Wala’y madangpan

Dear Inday Misyel,

Naproblema ko kay wala ko’y laing kadangpan dinhi sa Cebu. Duna man gud ko’y sakit nga tuberculosis ug medyo naapektohan na ang akong lawas ug ingon man ang akong panagway. Nahunong man gud ko sa panarbaho, unya dili na usab magtagad ang akong GF kay lage mora’g “burden” na pud ko niya. Mauwaw na usab ko nga mohangyo kaniya og tabang. Paita lage Inday Misyel, siguro mao na kini ang bayad sa akong kabadlongon, labi na sa akong mga sala.. please hatage ko bisan gamay nga tambag kon unsay angay nako nga buhaton. - Fernand

* * *

Dear Fernand,

Naluoy ko sa imong sitwasyon. Paningkamotan ko nga mahatagan ka og tabang bisan og gamay lang aron makapauli ka sa inyo para may mag-atiman kanimo. Una nimo nga dangpan kanunay panahon sa problema mao ang Dios. “Come to me, all of you who are weary and burdened, and I will give you rest. Take my yoke upon you and learn from me, for I am gentle and humble in heart, and you will find rest for your souls. For my yoke is easy and my burden is light.” Mao kini ang gipasabot sa Dios ngadto sa tanang makasasala ug walay kadangpan. – Inday Misyel

Paminaw, 10:30 - 12 midnight sa Lunes hangtod Sabado ug sa Domingo 1pm to 3pm, "Sounds of Youth" sa DYKC 675, RPN 9.