Dear DJ Jacky G.,
Nakabasa ko sa Banat News nga puwede diay magpatambag nimo. Kini ang akong suliran. I'm 16 and I fell in-love with a guy nga 26 na. Five years na mi. Bisan og bata pa ko’g edad, makaingon ko nga mature nako’g huna-huna. Though close ang among pamilya kay silingan mi, gitago namo ang among relasyon. Pero a few months ago, nitug-an na g’yud mi kay namabdos ko. Suko kaayo ang akong ginikanan sa akong uyab. Gidid-an nako nga makig-relasyon niya. Pero sekreto gihapon mi’ng magkita. Sa mga nahitabo, mas nilig-on ang among gugma. Gipaeskuwela gihapon ko sa akong parents bisa’g mabdos ko ug padayon nga gisuportaan. Unsa ang akong angay’ng buhaton? - N
Dear N.,
Kon 16 ka karon unya five years na mo’ng uyab, pasabot ba nga 11 pa ka niadto’ng nagka-uyab mo! Pastilan day! Pasalamat ka nga gipa-eskuwela gihapon ka ug wa gikiha sa imong ginikanan na’ng lakiha! Diha nimo makita ang dako’ng gugma sa imong parents alang kanimo. Please, ayaw na dugangi pa ang ilang kasakit. Ayaw ko ingna nga mature na ka kay ang pagka-mabdos at 16 is highly irresponsible! Menor de edad pa ka ug hapit na ka’ng mahimong usa ka inahan. Tumana ang tambag sa imong ginikanan. Kon tinuod nga lig-on ang inyong gugma, makahuwat mo ug kanus-a mo tugtan nga ipadayon ang inyong relasyon. – Jacky G
Kun gusto ka’ng ma-feature sa DDJJG, i-like akong FB fanpage ug i-private message ang imong problema sa: www.facebook.com/djjackyg and follow me on IG: www.instagram.com/djjackyg Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!