Gustong ilogon

Dear Tita Salie,

Have a nice day. Usa ko sa ganahan mobasa sa imong mga tambag dinhi sa Banat News.

Unya karon naa unta ko’y patambagan nimo ug manghinaot ko nga dili unta ko nimo pakyason.

By the way, just call me Jhunbert, dunay tulo ka  anak apan dili mi kasado sa inahan sa akong mga anak.

Ang akong problema kabahin kini sa inahan sa akong mga anak nga mibiya kanamo ug mikuyog sa laing lalaki. Mahal baya unta nako kining bayhana apan iya kining gibuhat nako ug sa akong mga anak.

Gusto unta nako siyang ilogon pagbalik kay mahal kaayo nako siya, apan dili man ko gusto og samok. Ako na lang kaha silang pasagdan, Tita? Naglibog gyud ko kun unsay akong buhaton. Palihog pasabta ko. Daghang salamat.”

* * *

Hello! Ang pagkuyog sa imong asawa ngadto sa laing lalaki nagpasabot nga nahigugma siya sa lalaki nga iyang gikuyogan. Tungod kay nabuhat man niya kini bisan pa man kun duna moy tulo kabuok  anak.

Lisod kaayo kining buhaton sa usa ka inahan nga biyaan ang iyang mga anak. Ang uban man gani andam mosakripisyo bisan badlongon kaayo ug hingulata pa gyud ang ilang bana tungod ug alang sa ilang mga anak.

Busa ayaw siya og iloga pagbalik kay tingali kun masayang lang unya ang imong effort. Pasagdi lang una siya sa iyang desisyon. Mas maayo lang nga magmabugnawon ka una aron walay gubot.

Pasagdi lang siya nga makaamgo ug makahunahuna siya kun unsay husto ug  iyang mahibaw-an nga sayop diay ang iyang pagbiya kaninyo. -- Tita Salie