Dear Tita Salie,
Hello! First of all, I would like to say have a wonderful day. By the way, I am Ms. Shamzie, I am sweet 16 of age.
Gusto ko magpatambag nimo, Tita Salie, niining akong problema mahitungod sa gugma. Naa koy boyfriend nga love kaayo nako ug love pod kaayo ko niya. Apan nausab lang kini dihang iyang gi-break ang among rules.
Unya duna ko’y friend nga guy ug friend usab siya sa akong boyfriend. Siya gyod ang masayod sa tanan kun mag-away mi sa akong uyab. Kay lagi adto man ko mosumbong kaniya.
Karon ang problema nako, Tita Salie, kay na-inlove na man ko nilang duha. Naglibog na ko kun unsay akong buhaton. Palihog pasabta ko. Thank you very much.
* * *
Good day,
Sa imong pangedaron anaa pa gyod ang imong pagka bata ug dili pa ligdong hamtong ang panghunahuna. I am sure wala pa ka masayod kun unsay tinuoray nga meaning sa gugma mao nga makaingon ka nga nahigugma ka sa duha.
Seguro naibog lang ka nila o ganahan lang ka nila, ganahan ka sa imong amigo tungod kay anaa siya motabang nimo, mo-comfort nimo kong maguol ka but it doesn’t mean nga na-inlove na ka niya.
Kun na-inlove na ka, it means andam kang magsakripisyo tungod sa maong tawo. Kaya ba nimong isakripisyo ang usa tungod sa usa? Kaya ba nimong masakitan tungod ug alang kaniya. Kondili pa ka andam masakitan, wala pa ka mahigugma bisan usa nilang duha.
Mas maayo seguro kun mo-focus ka una sa imong pag-eskuyla ug unya na lang ang gugma-gugma aron dili ka ma-destruct sa imong pagtuon ug makab-ot nimo ang imong ambisyon. -- Tita Salie