Mao ray ikaatiman
“Happy Mother’s Day, Ma†igo lang napunit ni Susan ang telepono pagbagting. Wa pa gani siya kaingon nga “Hello†mao dayo’y gisulti ni Myrna ning sayong kahaponon pagtawag niya sa iyang inahan. Bugtong anak si Myrna. Wa pa magtingog si Susan samtang naggunit sa telepono nga naglingkod sa sopa sa ilang sala.
Subo ang nawong niya. Biyuda na siya. Retirada nga magtutudlo sa tunghaang publiko. Mao ra gyud ni madawat niya gikang Myrna matag Mother’s Day o matag tuig. Greetings. Naghunahuna si Susan kun unsay itubag sa anak.
Nia magpuyo si Susan sa balay gna napondar nila sa Guadalupe sa buhi pa iyang bana nga si Rico, usa ka CPA. Si Myrna ug iyang bana nga si Rene, magtutudlo sa Hubalo National High School. Tua sila magpuyo duol sa eskuylahan.
Masakiton na si Susan. Daghang gimintin nga mga tambal. Para sa dayabitis ug sakit sa kasingkasing. Duna siya’y rheumatic heart fever. Usahay mokuba iyang dughan ug grabe. Mopitik iyang kasingkasing sa sobra sa normal nga gikusgon. Maong hapit kada tuig maospital siya. Kulangon iyang binulan nga pension.
Kun mamarayeg siya’g kuwarta sa anak, dili mohatag. Kasab-an pa siya kun nganong way savings for the rainy days. Duna siya’y savings apan mahurot ra gihapon sa panginahanglan sa tambal. Kay kun mobiya siya’g tumar sa tambal nga mintin, dilikado’g maospital siya. Mas dako pa hinoon ang gasto.
Modugang pa pag-ingon si Myrna nga ang iyang bana maoy nagkupot sa ilang kuwarta, kay di si Myrna kamao mo-budget sa ilang panggasto. Ang iyang bana kumkum kaayo sa kuwarta. Way sama ka tihik.
“Unsaon man nako pagkalipay? Nga ang ginikanan niatiman sa anak sa gamay pa. Aron inig katiguwang sa ginikanan, atimanon sab unta sa anak. Mao ra gyud na imong ikaatiman? Happy Mother’s Day?†ni Susan. Nihangos sab ang tua’s pikas linya. Gibutang na lang ni Susan ang telepono. (Katapusan)
- Latest
