Kahidlaw sa babaye

Gula 4

Wala gayud makasabot si Herbert sa iyang gibati samtang gitutokan niya ang panti sa babaye nga iyang gikuha gikan sa usa ka hayhayan sa unahan nga balay. Ingon sa nanghugot ang iyang kaunoran ug wala niya kapugngi nga mituyhakaw ang iyang pagka lalaki. Mipaspas ang iyang pagginhawa. Gisigurado ni Herbert nga sirado ang pultahan ug gihukas niya ang iyang gisul-ob nga basketball short pants. Gibanos pagsul-ob ni Herbert ang underwear sa babaye nga maoy nakapasamot sa iyang gibati nga kahidlaw sa babaye.

“Charina, Charina,” nagpangyamyam si Herbert sa ngalan sa dalaga nga iyang naibgan apan wala gayud niya matug-ani sa iyang gibati. Taud-taud, naluya si Herbert ug takulahaw lang nga nakatagpilaw. Napugwat si Herbert sa iyang pagkatagpilaw tungod sa kusog nga tuktok sa pultahan.

“Bert, nag-unsa ka diha sa sulod nga kaganina ra ko nga nagtawag nimo wala ka man g’yud motubag!,” matud sa inahan ni Herbert. Midali-dali si Herbert sa pagsul-ob sa iyang short pants aron dili siya makit-an sa iyang inahan nga nagsul-ob sa panti sa babaye. Gibuksan niya ang pultahan. “Natulog ka diay. Pagpalit usa didto og softdrinks sa ilang Charina kay nindot kaayo i-inom karon og bugnaw,” matud sa inahan.

Human gidawat ang kwarta, milakaw dayon si Herbert bitbit ang baseyo nga botelya sa litro nga softdrinks. Diha pa siya mahinumdom nga wala diay niya mahukas ang panti sa babaye nga iyang gisul-ob kaganina sa dayon niya nga paghigda.

Takulahaw lang usab nga mituyhakaw pagbalik ang iyang pagka lalaki nga naghuna-huna. Samtang naglakaw si Herbert apan ang iyang huna-huna naglupad-lupad sa kawanangan sa paghanduraw sa kaanindot kun ikatupad niya sa paghigda si Charina. “Unsay imo Bert,” matud ni Charina ngadto kang Herbert nga daw sa wala sa maayo’ng panghuna-huna bisan og naabot na sa tindahan sa dalaga. “Uy, naabot na man diay ko sa tindahan,” tuaw ni Herbert nga daw gidagit sa limbo sa paghanduraw ang kaisipan sa hamubo nga higayon.

“Mora ka man og wala sa imong kaugalingon Bert,” nagkatawa si Charina ngadto sa batan-on nga ulitawo. “Bitaw Char, basta makakita na gani ko nimo, bisan og tua pa ko sa layo dili nako kapugngan nga mora’g bayawon ko sa langit sa kalipay,” ni Herbert pa.

Mingisi si Charina, dungan sa pagkomedya. “Pagsyur diha uy.” Diha’ng gitunol na ni Charina ang softdrinks kang Herbert, pilit kaayo ang tinan-awan sa ulitawo ngadto sa iyang naibgan. “Sweet dreams Char,” matud ni Herbert sa dayon na niyang biya sa tindahan. (Sumpayan)