“May nahuna-hunaan akong paagi,†namulong na usab si Col. Villadar ug nagtuo ako nga mosalir gayod kini batok kang SPO3 Rey Corpuz.â€
“Unsa man kanang paagiha, Boss?†Laing sakop sa koronel ang nagpakisayod.
Gisugilon ni Col. Villadar ngadto sa iyang mga tawo ang paagi nga misantop sa iyang hunahuna. Gidetalye niya pag-ayo ang mga lakang nga buot niya nga maoy buhaton sa iyang mga sakop.
“Gusto ko nga karon dayong gabii,†ni Col. Villadar, “himuon ninyo ang pagkidnap kang sister Veronica.â€
“Areglado, Boss,†miingon kadtong bangason.
“Paninguhaa nga molampos kamo,†tugon sa koronel.
Ug niana dayong pagkagabii, milihok ang mga sinugo ni Col. Martin Villadar. Nagsakay sila sa duha ka L-300 van. Mihunong ang ilang gisakyan atubangan gayod sa gate sa Orchids Sisters Convent. Lima ka tawo ang nanaog, duha sa sakyanan nga kolor itom ug tulo ang gikan sa sakyanan nga abohon ang kolor. Kalma sila nga mipaduol sa gate nga puthaw ug ang usa kanila mi-doorbell. Nangandam nang daan ang mga tawo nga nahibilin didto sa sulod sa sakyanan.
Pagkaabli sa gate nga puthaw nga gibuksan sa guwardiya, gipusposan gilayon sa lalaking bangason ang bantay. Dihadiha midali sila pagsulod pagtan-aw nila nga nakuyapan ang guwardiya. -- Sumpayan pa