Sa dalan Bonifacio, dakbayan sa Sugbo, nagpuyo si Itsoy Garboso. Nanag-iya siya’g tindahan sa bugas. Kun unsa ka taas sa lut-od sa sinakong bugas sa iyang tindahan, susama usab kataas ang iyang liog ug lagyo’ng tinan-awan kun siya hulaman kun iyang buhian ang sakit nga pinulungan sa pagbalibad.
“Tsoy, mahimo bang mohulam nimo’g usa ka kilo’ng bugas? Ikaw ra man gud ang nanag-iya’g tindahan nga duol kaayo sa akong gipuy-an. Wala pa man gud ko masuweldoi sa pagpanabod og budbod,†ni Petring pa mapaubsanong namulong.
“He, he, kapresko gud nimo Petring. Kabag-o pa natong nagkaila. Wala ka masayod, dakong kuwarta akong gipamuhunan sa akong negosyo? Ako ning gipasingtan ug dili laway akong gipuhunan. Yuna pa, gadako man lang nang lawas nimo. Naa pa gyu’y sa pangalan ang imong agtang. Wala gyud ka katabang nako bisan pagbubo og gamay’ng puhunan. Unya imong huwaman? Wala ka malipong? Diin ka man gud gikan nga karon ka mao lang nagpadungog nga mangutang?â€
“Tsoy, napriso man gud ko. Nakasaad nako nga magbag-o na. Akong gibugha kaniadto ang tawong nanginsulto nako. Kining pangalang gipatik sa akong agtang mao ni ang pangalan sa akong gibugha nga nakapadala nako sa munti. Yuna pa Tsoy ha.†Gihinol ni Petring ang iyang agtang.
Pagkahuman...
“Ayaw’g kabalaka Tsoy, puwede pa masulod imong pangalan diri. Mahimo pang ipatik nako. Ako lang pud ipaandam og bukhad akong banig sa Munti. Mobalik na lang ko didto Tsoy.â€
“Unswaa? Hala, kadyot sa. Petring, naa pay duha ka kilong bugas diri o. Hala dad- ni. Sus, ikaw bayaaa ... dili kakomedyahan. Pakapinan pa tika’g tinughong aron makakaon dayon ka...†gipaningot si Itsoy nga namulong samtang nagtan-aw ni Petring nga nakabuhi na og pahiyom samtang naghipos sa sundang balik sa iyang sakuban. (Katapusan)