Puwerting pobreha na sad nato Antoy uy!..., sige man lang tang kaon ning otan ug ginamos. Bukog na la’g panit ning atong lawas lakip atong mga anak,†yawyaw dala’g pangusmo ni Loling samtang nagkaon sa ilang paniudto.
“Samotan pa gyod ning atong payag nga wala pa mahuman gumikan sa kawad-on,†dugang pa ni Loling.
“Sige lang antos lang ta ani. Pilay palad makadaog na unya ko sa lotto pohon. Di hayahay na unya ta,†tubag ni Antoy nga nakatapos na sa pagkaon.
Aser si Antoy sa masyaw sa ilang baryo inabagan ni Loling sa pagguna sa asyenda ni Mr. Santos. Lima ka buok anak ang ilang gibuhi nga pulos gamay pa. Makatilaw lang sila’g sud-an nga lamian kun dunay makadaog sa masyaw nga mipusta kang Antoy. Apan panagsa ra kaayo ang makadaog kasagaran pusoy inigka buntag. Bisan pa niini, tulo na ka tuig si Antoy siging mentin sa iyang numero sa lotto sa grand jackpot.
Usa ka adlaw niana, naghangos nga nagdagan si Antoy padulong sa ilang balay.
“Naunsa ka Antoy nga mora’g gigukod ka man og irong boang?, pangutana ni Loling gumikan sa kahibulong sa iyang bana.
“Wa ka kahibaw Loling? Misulod ang unom ko ka numero sa lotto ug milyonaryo na kita karon!,’ tubag nga dalang hangos ni Antoy. Tuod gitan-aw dayon ni Loling ang tiket sa lotto ni Antoy dayong sil-ing sa Banat News nga dala ni Antoy gikan sa lungsod.
“Uy! hala! Sulod tuod ang imong unom ka numero nga 09-10-22-29-12!,†nakalukso sa tumang kalipay si Loling.
Nagpasalamat silang pamilya sa Diyos. Nangluhod sila lakip ilang mga anak atubangan sa gamay’ng altar nga adunay Sto. Niño ug mahal na birhen.
Gikan niadto, sapian ug haruhay na ang ilang kahimtang. Wala nila damha ang ilang swerte nga miabot na gyod kanila. Ug labaw sa tanan, wala sila malimot sa pagtabang sa ubang mga tawo nga pordoy kaayo sa ilang kahimtang. (Katapusan)