Mahadlok kasuk-an

Dear Tita Salie,

Hello! Good day. Just call me Auhsoj. Ganahan kaayo ko sa imong mga advice. That is why gusto ko magpatambag pod nimo on what would I do in my situation.

Naa man god koy childhood friend. Ug since sa una pa naibog na ko niya apan ako lang kining gitago tungod kay maulaw man ko mosulti ngadto kaniya kay lagi ako man siyang friend.

Apan karon, Tita Salie, ingon sa dili na nako mapugngan ug gusto na gyod nako nga sultihan siya aron akong ma-express ang akong feelings ngadto kaniya. Pero mahadlok lang pod ko nga iyang kasuk-an kun ako siyang panguyaban.

Naglibog na gyod ko, Tita Salie. Unsaon man nako pagsulti nga dili siya masuko nako? Palihog pasabta ko. Thank you so much and more power to your column.

* * *

Hi!

Ang pagkasuod nga higala maoy nindot nga foundation o sinugdanan alang sa usa ka romantic relationship. Meaning kaayo kun ang gugma sa manag-uyab o magtiayon nagsugod sa ilang pagkasuod nga higala. Tungod kay nagkailhanay na sila pag-ayo ug dili na lisod ang pag-adjust sa usa’g-usa.

Inig pangulitawo nimo kaniya ingna lang daan or hangyoa lang siya nga dili masuko tungod kay duna kay importante nga isulti. Ug ingna nga “hinaot nga tungod niining akong isulti, dili unta maguba ang atong friendship apan igo ra kong mosulti sa tinuod nakong na-feel karon ug alang nako unfair ko kondili tika pahibaw-on.”

Ug mosugod  ka na sa imong diskarte kun unsa man ang mamahimo niyang reaction sa imong pagabuhaton dapat andam kang modawat niini. Kay sa tanan natong pagabuhaton duna gyod kini mga consequences.

-- Tita Salie