“Bisan kun dunay asawa”

Dear Tita Salie,

Maayong adlaw kanimo.  Tagoa lang ko sa ngalan nga Danny, usa ka minyo ug dunay lima kabuok mga anak. Naglibog lang ko sa akong kaugalingon, Tita, kun duna ba koy sakit sa utok.

Ganahan lang gihapon ko motan-aw og mga bold movies, unya mag-masturbate lang gihapon ko bisan kun 45 anyos  na ko.

Bisan kun duna koy asawa apan ganahan lang gihapon ko mag-masturbate. Normal ba ang akong pangutok o dunay deperensiya?

Unsa may akong buhaton? Palihog pasabta ko, Tita Salie. Thank you very much and more power to your page.

* * *

Maayong adlaw. Duna gyu’y mga tawo nga sama kanimo og problema. Aduna pa gani uban nga mas mag-enjoy pa kun mag-masturbate sila kay sa mogamit sa ilang asawa.

In a way, matawag nato kini og usa ka abnormality. Usa kini ka Psychological embalance. Maybe adunay mga issues sa imong kabatan-onan nga wala ma-address o ma-correct ug mao kini ang hinungdan nga bisan sa inyong pangedaron mo-manifest lang gihapon, or mogawas lang gihapon pinaagi sa inyong mga buhat.

Dili na gyud maayo nga motan-aw ka og mga bold movies or mga adult materials labina kun diha ra sa inyong panimalay. Tungod kay dili gyud maayo nga ang imong mga anak makakita niini o bisan makasiplat lang ni kay grabe kaayo ang ilang curiosity. Ila gyud kining tan-awon kun sila na lang. Kun makit-an ang imong DVD nga gitagoan tan-awon gyud nila kini kun ilang makit-an sa imong gibutangan. Motugot ka ba nga sila magkaproblema? -- Tita Salie