Gula 6
Sa wala pa mi-off si Randy nianang pagka alas siete sa buntag, iyang giadto ang kapuyo ni Gelyn sa detention cell. Nagtungko kini nga naghinuktok. “Nahuwasan ka na ba sa kahubog?†matud ni Randy. Wala motingog si David, nagsigi lang kini og tutok kang Randy. Gihuna-huna ni Randy kun nakahinumdom ba kaha si David sa iyang pagpasakit kaganinang kaadlawon. Nakahukom si Randy nga pagawason na sa detention cell ang kapuyo ni Gelyn.
“Hubog ka kaayo gabii nga miari ug gidagmalan pa nimo ug gihulga ang imong asawa mao nga gisulod diha sa detention cell alang sa safekeeping,†matud ni Randy nga mibukas na sa pultahan. Midiretso ra paggawas si David ug milakaw paingon sa gawas sa police station. Miuli si Randy sa ilang balay. Gihatud siya sa mga polis nga bag-ohay pa lang nga miasumier pag-duty.
Naagian nila si David nga nagsusapinday gihapon nga naglakaw sa karsada. Wala madugay, miabot ra si Randy sa ilang balay nga nahimutang sa Guadalajara, Guadalupe.
Pagsulod ni Randy sa gate, iya dayon’g nakit-an si Gelyn nga naglingkod sa plastik nga lingkoranan. Layo kaayo kini og panglantaw. “Dia ka na diay sir, good morning,†timbaya ni Gelyn. “Kauban na kita dinhi sa balay Gelyn, tawga na lang ko sa akong ngalan … Randy,†matud sa batan-on nga polis.
“Naka-coffee ka na ba?†gisukna ni Randy si Gelyn nga igo lang milingo-lingo. “Tana, magdungan ta pag-coffee. Pasensya na kay guwang na man gud si Mama mao nga tagdugay na momata,†dugang ni Randy.
Gipasabot ni Randy si Gelyn nga mao kini ang rason nga malipay na lang ‘sab siya kun anha siya moestar sa balay. “Dili ba ko maikog sa imong mama Ran?†matud ni Gelyn.
Giingnan ni Randy si Gelyn nga buotan kaayo ang iyang inahan apan maluyahon na lang. Taud-taud, miabli ang pultahan sa lawak sa mama ni Randy. “Uy, dia ka na diay Randy? Nadugay ko’g mata kay kaadlawon na pag-abot ni Gelyn ganina,†matud sa tiguwang nga nagpahiyom.
“Gikan karon Ma, anhi na mopuyo si Gelyn uban kanato kay mahadlok siya nga dagmalan pag-usab sa iyang kapuyo nga anaa magpuyo sa Kalunasan,†gipasabot ni Randy ang inahan.
Bisan og may bendahe ang wala nga bahin sa nawong ni Gelyn apan milutaw gihapon ang iyang katahom. “Magmahay ra kadtong imong kapuyo Gelyn nga iya ka nga gibinuangan. Dili ka lisud higugmaon ug makapalag ka ra’g lalaki nga tinuod nga mopangga kanimo,†ni Randy pa. – (Sumpayan)