Isla Paraiso
Gula 128
“Sudlon na ba lang kaha nato ang bodega, Sir?†Gikan gihapon ni Corporal Benturada nga ingon sa nagpanikad na usab.
“Ayaw una,†ni Rey pa. “Dili maayong magdali-dali kita. Delikado kun mosulod kita nga wala nato masuta ang situwasyon sa sulod. Tingali’g kita hinuon ang maalaot.â€
Si Rey mihinay pagpaduol sa pultahan sa bodega. Gihugtan niya paggunit ang Uzi nga diha sa iyang mga kamot. Gigamit niya ang iyang mga mata, dalunggan, ilong ug panit -- ang upat sa iyang five senses — sa pagpaniid sa palibot ug sa sulod sa bodega.
Mingaw gayod ang sulod sa bodega. Dihadiha gimandoan ni Rey ang iyang mga kauban sa paggamit sa ilang tagsatagsa ka flashlight. Ilang sudlon ang bodega.
Si Rey lahi sa ubang pangulo sa kapolisan. Siya gayod ang mag-una sa iyang mga sakop. Ug mao usab kini ang iyang gihimo karon. Gihinay niya’g abli ang dakong palid sa pultahan sa bodega. Sa dihang natukas kini nga igong kalutsan og tawo, mihinay siya pagsulod nga lihokan kaayo ang mga mata.
Gisenyasan niya ang iyang mga kaubang polis sa dili una pagsunod kaniya. Buot niyang sutaon una kun dili ba delikado ang situwasyon sa palibot sa dili pa mosunod pagsulod ang iyang mga kauban. -- Sumpayan pa
- Latest
