Ang kamapaubsanon
Misayo pag-adto si Mamer sa National Statistics Office (NSO) kay naproblema siya sa iyang birth certificate nga nasayop ang spelling sa ngalan.
Dunay mga kaila si Mamer sa NSO, usa kanila si Noel Rafols nga usa sa sinaligan sa regional director sa mao nga ahensya, apan maikog si Mamer nga manghangyo. Wala pa’y alas sayes sa buntag dinhi na siya. Daghan na ang naglinya nga nagpaabot nga matagad ang ilang panginahanglan bisan og alas utso pa moabli ang opisina.
Didto milinya si Mamer sa kinatumyan nga ihap-ihap niya may mga 30 na ka tawo. Diha sa iyang atubangan ang usa ka babaye nga nagbitbit usab og brown envelope nga sigurado’ng gisudlan sa iyang mga dukomento. “Kun kapoyon mo sir duna man ta’y mga silya nga kaabangan aron duna mo’y kalingkoran samtang magpaabot,†matud sa guwangon nga lalaki nga miduol ni Mamer. Gitanyagan usab sa ginang kadtong babaye nga diha sa atubangan ni Mamer. Tag diyes pesos ang paabang sa lingkoranan hangtod nga moabot ang nag-abang didto sa counter. Nakabantay siya nga wala mokuha og lingkoranan ang babaye nga diha sa iyang atubangan. Maikog si Mamer nga maglingkod samtang ang babaye nga anaa sa iyang tupad magbarog.
“Nang hatagi ko og duha ka lingkoranan,†giingnan ni Mamer ang babaye nga tigpaabang og mga lingkoranan. Paghatud na sa lingkoranan gitunol ni Mamer ang tibuok P20 ngadto sa ginang. “Miss imo ning usa ka lingkoranan, tagsa ta,†giingnan ni Mamer ang babaye. Mipahiyom kang Mamer ang babaye ug gidawat ang silya nga iyang gibutang sa duol niini.
“Salamat ha? Naghuna-huna ka pa g’yud nako,†matud sa babaye. “Natural, ngil-ad kaayo nga ako ra ang maglingkud unya ang babaye nga anaa sa akong atubangan magbarog. Wala unta’y kaso kun lalaki ang akong katupad,†pasabot ni Mamer. Nagkailhanay sila si Mamer ug Sherlyn. Birth certificate usab diay ang tuyo sa dalaga mao nga sayo kini nga miadto sa NSO niadtong adlawa. Gitug-anan ni Mamer ang dalaga nga aduna siya’y kaila nga nagtrabaho sa NSO apan maikog siya nga manghangyo. “Sige na panghangyo ug apila ko aron ta madali,†matud ni Sherlyn nga nagpahiyom kang Mamer samtang sila nagtupad paglingkod.
“Mer, nganong milinya ka man dinhi?†may mipikpik sa abaga ni Mamer nga nakapakurat kaayo kaniya. Sa iyang paglingi ang higala diay niya nga si Noel Rafols maoy diha. Nalipay si Mamer nga gikakita niya si Noel apan mauwawon siya nga mitug-an nga duna siya’y ipa-correct sa iyang birth certificate.
“Tana, adto ta sa taas, tabangan tika ana,†matud sa higala ni Mamer nga nagtrabaho sa NSO. “Ayaw na lang kay duna ko’y kauban,†ni Mamer pa. (Sumpayan)
- Latest
