Gula 7
“Wala ko makasabot sa akong gibati Ger. Mingawon na kaayo ko nimo kun dili kita magkita bisan og kanunay pa kita nga nagteksanay,†wala’y lipud-lipod nga giingnan ni Chona si Roger.
Gisakyan dayon ni Roger ang mao nga sitwasyon. “Sa ato pa, nahigugma ka usab kanako Chon. I love you Chona,†matud ni Roger nga daw nagyapa-yapa sa kalipay ang kasing-kasing nga dili mapakyas ang gugma niya sa dalaga.
Wala kapugngi ni Roger ang iyang gibati ug nagakus niya si Chona. Gipasagdan ra usab ni Chona si Roger nga migakus kaniya. Hangtud nga mihangyo kaniya si Roger nga muhawok. Nagpabilin nga wala magtingog si Chona nga wala makasabot sa iyang gibati. Nalipay kaayo si Chona nga nagkauban na sila si Roger niining higayona, ang lalaki nga iyang gikamingawan sulod sa mga adlaw nga wala sila magkita. Nagpatara lang si Chona nga gipakaligo og mga hawok ni Roger.
“I love you Chon, salamat nga wala ko nimo pakyasa,†ni Roger pa nga wala’y hunong sa pagparayeg sa dalaga. “Love usab tika Ger. Maayo unta og dili lang ko nimo binuangan,†sa dalaga pa nga mitutok sa ulitawo. Gipadayon nila ang pagparayganay. Wala sila mabalaka tungod kay mga gagmay pa ang duha ka manghod ni Chona. “Unsa ba nga oras ang sagad ipauli ni Papa nimo Chon,†gipangutana ni Roger ang dalaga.
“Usahay buntag na man mopauli si Papa, duna ‘say kaadlawon pa,†matud ni Chona. Ingon sa nahanaw ang kabalaka ni Roger nga basin og maabtan sila nga nagparayganay. Ang inahan ni Chona sigurado nga buntag na kadto mopauli kay nagbilar sa namatay niya’ng amiga. Samtang naglingkod si Roger sa sopa, anam-anam niya nga gipahigda si Chona sa duha niya ka paa. Gipaundayonan lang ni Chona ang buot ipahimo ni Roger. Dayon, wala maglangan si Roger, giukoban niya ang mga ngabil sa dalaga nga puno sa pagmahal.
Sa unang higayon nadimdim ni Roger ang katam-is sa mga ngabil ni Chona. Kalit namalik sa iyang panumdoman kadtong adlaw nga una sila’ng nagkita si Chona dihang nangayo kini’g tabang kaniya.
Gipabatyag pa ni Roger ngadto ni Chona ang matam-is nga pagpangga sa usa ka lalaki. Nagpanghiram na ang mga kamot ni Roger ug mainampingon nga mihapuhap sa kalawasan sa dalaga. Ang mao nga mga hapuhap ni Roger nagdulot og makatagbaw nga kahigwaos ngadto sa dalaga. Nakabatyag si Roger nga ingon sa mihiwid si Chona nga nag-agulo. Gipadayon ni Roger ang pagpabatyag og makabuang nga parayeg sa dalaga.
“Roger, Roger,†ni Chona pa nga wala kapugngi ang paglitok sa ngalan sa iyang boyfriend. Nakasabot si Roger nga andam na si Chona sa labing kulbahinam nga bahin sa ilang romansa niining dapit nga wala’y makatugaw kanilang duha. (Kataposan)