Tiglayat sa bintana
Kinsay biyuda ining namatay?†matud sa hamtong lalaki nga niduol sa kapilya sa baryo Dakowong ning dakbayan, diin gihaya si Ben nga namatay sa sakit sa kasingkasing. Bag-o lang niparking ang porlon sa toong kilid sa kapilya karong buntaga nga gimaneho sa maong lalaki. May tulo ka babaye nga naglingkod duol sa pultahan sa kapilya. Namauli na ang kadaghanang namilar.
Nitindog si Myrna gikang naglingkod sa plastic nga lingkuranan tungod sa ulohan sa lungon. Halang pa ang mata sa kakulang og tulog.
“Ako†matud ni Myrna nga nisugat sa lalaki tungod sa pultahan sa kapilya. Dinhi na lang hayaa ang minatay, bali’g tulo ka gabii na, kay ang balay ni Myrna pwerteng gamaya. Gama lang sa kawayan ug amakan. Unya gubaon pa gyud. Daghan nang buslot.
“Lain pay ato. Kinsay ngalan ining namatay?†sa lalaki.
“Ben Tantinâ€.
“Ikaw? Kinsay ngalan nimo?†sa lalaki.
“Myrna Burino†niya pa.
“Kasado mo sa namatay?†sa lalaki. Nakapanglab- ok og laway si Myrna. Nangluspad ug gipaningot. Nitutok sa lalaki.
Namatay sa konsomisyon si Ben. Tungod kay kuragan kaayo si Myrna. Napulo ka tuig na silang nag-ipon. Apan wa makaanak. Hinoon, duna na daay anak si Myrna sa iyang unang boyfriend. Si Glen. Apan tua puyo sa ginikanan ni Myrna. Wa gyu’y nibilar nga mga igsoon ug paryente ni Myrna. Kay mauwaw sa gibuhat niya.
Mga suod nga silingan ug higalang nalooy ni Ben ang kasagarang namilar. Sekyu si Ben ug kaadlawon na mauli kada adlaw. Daghan nang higayon nga naabtan ni Ben nga dunay laing lalaki sa ilang balay. Unya milayat sa bintana pagsulod ni Ben. Monigar lang si Myrna nga wa siya kaila sa lalaki. Kay natulog siya ug ngitngit sulod sa ilang balay.
“Dili mi kasado. Kay matud ni Ben di siya kapakasal kay minyo siya†ni Myrna.
Nag-abot lang sila sa beerhouse diin GRO si Myrna. Nisinyas ang lalaki ngadto sa porlon. Niabli ang front seat nga pultahan. Ug nanganaog ang laing lalaki ug usa ka babaye. (Di man makita kay tinted man ang mga bildo) nagdala og papel ang babaye.
“Ako si Maricar Tantin, legal nga asawa ni Ben†sa babaye nga nipabasa og Marriage Contract ngadtong Myrna. Nipakita sab og SSS ID.
“Nia mi aron pagkuha sa minatay†dugang sa babaye. Nikaging si Myrna sa iyang gibarogan. Niduol dayon ang drayber sa porlon ug ang ikaduhang lalaki sa lungon. Giyayungan nila ang lungon ug gikarga sa porlon. Pagkahuman, nanakay ang tulo sa porlon.
Paminghoyminghoy lang si Myrna nga nisunod og tan-aw sa nilarga nga porlon. Way laing nakamatngon kay puro nanagduka ang mga nahibiling namilar. Ang ubang nananghagok sa ilang lingkuranan.
Gianugnan si Myrna kay nihisgot si Ben nga kun mamatay siya, duna pa siya’y makuhang death benefits sa SSS. Apan wa gyu’y mahimo si Myrna. Kay di man siya legal nga asawa. Unya niabot pa gyud ang asawa aron pagbawi sa minatay.
Nagpasalamat na lang sab siya. Kay naglapilapi iyang utang. Sa ospital sa gobyerno diin naadmit og duha ka adlaw si Ben una namatay. Nipirma lang siya’g promissory note. Utang sab sa punerarya ang lungon ug embalsamasyon.
“Impas akong utang!†tuaw niya sa hilom. Ug puwede na sila mag-ipon sa tiglayat sa bintana. (Katapusan)
- Latest
