Magpagawas na lang

Dear Tita Salie,

Maayong adlaw, Tita Salie ug hinaot nga madasigon ka pang mobasa ug motambag sa among mga problema. Unsaon na lang kaha kun wala kana nga motabang kanamo. Maglisod na gyod kami kun mawad-an na kami og giya sa kinabuhi.

Ang akong problema mahitungod kini sa akong lovelife ug sa akong boyfriend. Two years na ang among relationship, Tita. Ug niining two years namong pagkuyogkuyog nakuha na niya ang akong pagkababaye. 3 times na nakong gihatag kaniya ang akong kaugalingon. Apan dili kay katulo lamang siya mihangyo niini diri kanako, kadaghan na, Tita, apan mibalibad na ko o wala nako mosugot tungod kay nahadlok ko nga tingali unya kun magbunga ang among buhaton.

Dili pa ko andam nga mabuntis, Tita, busa wala na gyod ko mosugot bisan kun love kaayo nako siya. Pero everytime nga mobalibad ko, Tita, ang iyang buhaton  mag-masturbate na lang siya, Tita.

Maluoy baya ko magtan-aw kaniya, Tita, kun magsariling sikap siya tungod lagi kay love kaayo nako siya. Dili ba makadaot kaniya ang magsige og masturbate! Maayo kaha nga ako na lang siyang hatagan sa iyang kanunay nga gipangayo? Unsa may akong buhaton? Palihog pasabta ko. Daghang salamat sa imong pagtagad.

* * *

Maayong adlaw,

Maayo og husto gyod ang imong gibuhat nga pagbalibad kaniya. Kay sa inyong sitwasyon ikaw gyod ang perming alkansi tungod kay ikaw ang babaye kun simbako matinuod ang imong gikahadlokan nga mabuntis, andam na ba ang imong boyfriend nga magtukod og kaugalingong pamilya? Tingali kun kalit lang siyang mahanaw kun iyang makit-an nga dako ka na og tiyan.

Bisan pa man kun andam na siya apan matud nimo nga dili ka pa andam. Busa balibad gyod kutob sa imong mahimo. Tungod kay kun mabuntis ka ikaw ang mag-antos niini, ikaw ang magbuntis. Walay mawagtang kaniya kun imo siyang hatagan sa iyang kanunay nga gipangayo. Ang epekto niini anha gyod kanimo ang tanan.

Busa ayaw gyod padala sa iyang hangyo ug pagpakiluoy kun puyde bulagi siya kun mamugos gyod tungod kay sa akong tan-aw dunay problema ang imong boyfriend. Tingali kun dunay pagkamanyak siya kay nganong mag-masturbate man siya sa imong atubangan. -- Tita Salie