14 years of age

Dear Tita Salie,

Have a wonderful day. Just call me Chiemae, 14 years of age. Nagproblema gyod ko karon sa akong lovelife, Tita Salie. Wala na ko masayod kun unsay akong buhaton. Palihog pasabta intawon ko kay ako gyod nga paaboton ang imong tubag.

Duna koy duha ka boyfriends, Tita Salie. Ang usa taga Danao City, 21 years old ug ang usa  17 years old taga Liloan, Cebu.

Dili nako kayang bulagan ang taga Danao kay love kaayo nako siya ug pareho mi og feeling. Ingon man usab ang taga Liloan kay matud niya nga mag-suicide kuno siya kun ako siyang bulagan.

Tita Salie, kinsa man ang akong pilion? Palihog pasabta ko. Thank you very much.

* * *

Good day,

Tinuod nga bisan dili nato tuyoon maseryoso gyod kita basta gugma na ang hisgotan. Sakit kaayo ug maglagot ta kun ang atong hinigugma nakig-estorya’g lain, maglagot kita kun ang akong hinigugma dili mosulti ug dili mananghid kanato sa iyang buhaton. Ingon kita niini ka seryoso sa gugma.

Apan ang pangutana alang kanimo, Chiemae, kun sa imong pangedaron mao na ba gyod kini ang angay nimong atimanon? Tan-awa ug hunahunaa pag-ayo kun unsay angayan nga imong atimanon karon ang imong gugma o ang imong pagtuon nga maoy seguradong modala kanimo ngadto sa hayag nga kaugmaon.

Kun dili ka pa makamaong modala puyde ra nimong undangon ang imong gugma. -- Tita Salie