Isla Paraiso - Gula 67
“Busa, Corpuz, kun maghimo ka’g lakang batok kang Col. Villadar, seguroa gayod nga dili ka mopalpak,†nagkanayon si Capt. Benale.
“Ipaneguro ko kanimo Sir, nga magapos gayod si Col. Villadar sa mga gaway sa balaod nga iyang gipanamastamasan.â€
Nianang pagkagabii, si Rey miduaw sa madre nga si sister Veronica sa Orchids Sisters Convent. Bisan sa kadaghan sa iyang bulohaton sa kuwerpo sa kapolisan apan dili gayod niya mahikalimtan si sister Veronica. Iya gayod kining gahinan og panahon. Alang kaniya, dili matibuok ang iyang adlaw kun dili niya makasulti ang madre nga iyang gimahal sa tibuok niyang kinabuhi.
Sa luho nga sala sa kombento, nag-atubang sila si sister Veronica ug Rey. Lapas na ang ikapito sa kagabhion niadtong tungora. Sila lamang duha sa sala. Ingon sa nakasabot ang ubang mga madre sa kombento nga nagkinahanglan sila’g privacy mao nga gihatagan sila’g higayon nga magkasulti nga wala’y makatugaw kanila.
Mipataliwala ang kahilom kanilang duha nga nag-atubang pagpanglingkod sa sopa. Si sister Veronica ingon sa nagpaabot nga si Rey maoy mouna pagsulti. Samtang si Rey naghunahuna kun unsay bag-o niyang approach karon niining laing higayon sa ilang panagsulti ni sister Veronica. -- Sumpayan pa
- Latest
