Mihunong si Rey sa pagpaklipakli sa mga folder ug gipunit ang awditibo sa telepono. Iya dayon kining gipaod sa iyang tuong dalunggan.
Maduloton nga namati si Rey sa iyang gikasulti sa pikas linya. Kadiyot ra silang nag-estorya. Human ikabutang ang hunghunganan, mitindog siya gikan sa iyang gilingkoran ug gidali pagduol si Corporal David Benturada nga naglingkod usab atubangan sa usa ka lamesa nga nalayo og diyutay sa iyang lamesa. Mihunong ang korporal pagkompyuter pagkamatikod niini sa iyang pagduol.
“Pangandam kamo,†tul-id nga pamulong ni Rey. “Nakadawat ko’g report dili pa lang dugay nga may usa ka gasoline station nga nahisakop sa atong hurisdiksiyon nga gitulis. Gilisodlisod kuno sa mga hold-aper ang mga empleyado sa gasolinahan.â€
“Moresponde ba kita, Sir?†Misukot si David. “Mao gyu’y husto, David,†ni Rey pa. “Ug karon dayon ato kining himuon.†Ug milingi siya ngadto sa uban niyang mga sakop. “Men, sa atong sakyanan.â€
Ang tanan dihadiha mikiros. Wala nay usa kanila nga nagkutikuti. Ingon sa nakasabot na silang tanan sa kahulogan sa mando ni Rey. May makuyaw silang lakaw!
Nag-iyahay’g kuha sa ilang mga armas ang mga polis ug kadali ra silang nakaluwan sa tulo ka renegade dyip. Nanggikan gilayon sila. Gisunod nila ang nag-unang dyip nga gisakyan ni Rey ug David. -- Sumpayan pa