Gula 5
Wala’y tinguha si Jomar nga magdugay sa ilang balay ni Jelyn. Nananghid dayon siya nga mobiya na human madawat sa dalaga ang usa ka karton nga pizza nga iyang gituyo pagpalit para kang Jelyn.
“Salamat kaayo sa imong paghuna-huna paghatag nako’g pagkaon Mar ha?†ni Jelyn pa. Sa makausa pa nagkatinutokay na ‘sab sila si Jelyn ug Jomar. “Sige na ingat ha sa imong pag-drive paingon sa opisina,†matud ni Jelyn.
Migakus si Jelyn sa hawak ni Jomar. Mibawos usab si Jomar sa paggakus sa iyang hawak ug diha-diha nga gipatikan ang dalaga og hawok. “I’m happy nga bisan og dili pa ta uyab, naka-kiss na ko nimo,†nagngisi si Jomar nga mitutok ni Jelyn.
“Kun may time ka unya, free ra ko unyang gabii,†ni Jelyn pa nga mihikap sa aping ni Jomar. Grabe kamalipayon ni Jomar nga nagmaneho sa iyang kotse paingon sa opisina nianang buntaga. Mora’g nagmaya pag-ayo ang iyang kasing-kasing.
Gusto niya nga kun iya pa lang mahimo, tuyokon dayon niya ang kalibotan aron paspas ang pag-abot sa kahaponun ug magkakita na usab sila si Jelyn. Wala mapapas sa iyang huna-huna ang giingon ni Jelyn nga free siya ini’g kagabii.
Gisabot kini ni Jomar nga mahimo niya nga i-deyt ang dalaga. Wala gayud makasabot si Jomar sa iyang gibati niining higayuna. Duna siya’y girlfriend apan nasabtan ni Jomar nga dali ra kaayo siya nga nakagusto kang Jelyn.
Duna kini talagsaong hiyas nga nakatukbil pag-ayo sa iyang pagbati. Gitimbang-timbang ni Jomar ang mga sitwasyon ug nalantaw niya nga sigurado na nga dawaton ni Jelyn ang iyang gugma kun iya kining panguyaban.
Gani bisan og wala pa siya manguyab sa dalaga apan nagkahagkanay na sila’ng duha. Ang ilang mga lihok kaganina susama na gayud sa tinuod nga managhinigugmaay.
Tuod, paspas kaayo ang pagtuyok sa panahon. Wala lang palandonga nga miabot ang kahaponon. Paggawas ni Jomar sa iyang opisina, mihapit usa siya sa usa ka banko ug mi-withdraw siya’g kwarta.
Dayon mipauli usa siya sa iyang gipuy-an ug nag-ilis. Wala na siya magdugay pa, mibalik dayon siya ug misirit pagpaingon sa Labangon – sa panimalay nila ni Jelyn.
Wala pa’y kilum-kilum didto na siya.
“Unsa dayon ta’g suroy?†gisukna ni Jelyn si Jomar. “Kaayo, mao na’y akong tuyo sa pag-anhi karon Lyn,†matud ni Jomar. Nag-ilis dayon si Jelyn.
“Pangaon usa mo Jelyn kay hapit na man maluto kining akong giandam,†matud sa inahan sa dalaga. “Ayaw na lang Nang, adto lang kami mangaon si Jelyn sa gawas,†giingnan ni Jomar ang inahan sa dalaga. -Sumpayan