Naglibog pag-ayo

Dear Tita Salie,

A pleasant day to you. By the way, I want you to call me Shalanei, dili pa minyo apan duna koy live-in partner nga dili nako masabtan og mao kini ang hinungdan kun nganong mangayo ko karon sa imong panabang.

Naglibog na gyod ko pag-ayo niya tungod kay higala ra man ang iyang pagpaila nako sa iyang mga friends ug family. Unya kun duna siya’y sweldo dili pa gyod niya kini  iintrego diri nako. Unya kun mag-away mi dali ra gyod kaayo niya ang pagdapat nako, Tita Salie.

Love kaha ko niyang tinuoray? Unsa may angay kong buhaton? Palihog pasabta ko. Salamat ug more power.

* * *

Deares’t Shalanei,

Kun aduna kay wala masabti or duna kay dili masabtan sa imong  live-in partner ayaw gyod kini iluom ug ipagawas sa uban. Nindot kaayo ang pagpuyo o relasyon kun ang duha open sa usag-usa. Nindot kaayo ang pagpuyo kun ang lalaki ug babaye kanunay nga mag-estoryahanay og magsumbonganay sa ilang mga problema.

Busa labing maayo kun kamong duha ang mag-estorya bahin niini. Sa dili pa mo matulog o kaha sayo sa buntag sa dili pa mo mubangon imo siyang estoryahun ug pangutan-on sa bugnaw og pinarayeg nga paagi aron usab nga dili kini ikasuko sa imong partner.

Apan kabahin sa iyang pagkahinapat o mangulata dili maayo nga imo lang siyang pasagdan. Kay kun dili ka moreklamo padayon gyod niya kining buhaton diha kanimo. Apan kun imo nang masugdan ang parayeg approach tingali kun mausab ra siya. -- Tita Salie