Wala na kaagwanta

Dear Tita Salie,

Have a nice day. Hope that God will shower you His abundant goodness always para happy ka, Tita. Tungod kay daghan na kaayo ka og gilipay nga mga tawo pinaagi sa imong pagtabang sa ilang mga problema.

Tawga lang ko og Jana, 20 years old, dunay 1 ka anak and I am pregnant karon 2 months na para sa akong ika-2. Wala pa mi makasal niining amahan sa akong anak nag-live-in lang mi.

Pait kaayo ang akong sitwasyon tungod kay ako ra man ang nagtrabaho tungod kay elementary level ra man intawon ang naeskuylahan sa akong partner. Inig-uli nako sa balay usahay ako siyang makit-an nga dunay ka estoryang babaye.

Wala man unta siya’y celfon apan pahuwamon man siya sa iyang ate. Naglagot ko niya, Tita, apan ako lang giantos tungod kay love nako siya tungod pod sa among mga anak.

Inigka gabii, Tita, gusto niyang makig-sex nako apan usahay mobalibad ko tungod kay kapoy na man kaayo ang akong lawas, masuko siya, Tita, ug molakaw. Kada abot nako sa balay iya dayon kong sudyaan nga duna koy lain.

Tungod kay wala nako kaagwanta nakigbulag ko niya. Apan ako lang gihapon ang nagbuhi kanila. Love pa baya nako siya ug love pa   pod kuno ko niya. Apan iya kong gipanabi nga kusog manapat niya. Naglagot na pod ko kay dili man tinuod. Dili na  kaha ko makigbalik niya, Tita. Apan tua man niyang among anak. Unsa may akong buhaton? Palihog pasabta ko. Thank you and more power.

* * *

My dear Jana, maayo gyod unta nga dili na balikon ang imong partner. Tungod kay wala siya’y trabaho magpabadlong pa gyod siya kanimo. Ug dili pa igo dili pa gyod siya mosabot sa imong sitwasyon.

Apan dili ko puyde moingon nimo nga bulagi na lang siya tungod kay nasayod ko nga gimingaw kana sa imong anak ug matud nimo nga love pa gihapon nimo siya.

Kun duna pa kamo’y gugma sa usa’g-usa. I think puyde pang masulbad ang inyong problema kana kun gusto pa ninyong sulbaron. Kun ang usa’g-usa kaninyo andam lang magpaubos ug andam maminaw duna pa gyo’y kasulbaran ang inyong problema ug puyde pang i-save ang inyong relasyon.

Ikaw man ang dunay grado, suwayi pagpaubos ug hangyoa ang imong partner nga inyong estoryahan ang inyong problema. Sultihi siya sa imong kahimtang aron iyang masabtan nganong imo siyang balibaran. Tungod kay everytime nga mobalibad ka niya mogawas gyod ang iyang pagka-insecure kay nasayod siyang wala siya’y gibuhat alang sa inyong pamilya.

Pagsugod kamo og bag-o, saboti ninyo ang inyong papel sa inyong panimalay. Siya ang mag-atiman sa mga bata kay ikaw ang nangita. -- Tita Salie