Ang drayber sa bus mihana sa pagpahunong sa sakyanan. Apan gitionan siya sa hold-aper nga kaganina mao usay nagtion kaniya og hinagiban nga mobuto.
“Diretso!†Gimandoan sa hold-aper ang drayber.
Mituman ang drayber sa mando sa hold-aper.
Samtang si sister Veronica nagpadayon sa pagpanglugnot nga gikupogan sa laing hold-aper, ang ikatulong hold-aper nagpunay og katawa nga daw nag-abiba sa iyang kauban nga hangol kaayo nga milayog sa madre.
“B-buhii ko!†ni sister Veronica pa nga milimbag ug milugnot samtang hugot kaayong gigakos sa hold-aper. “Mananap! Hayop...!â€
“Ayaw na lang pagpagahigahi, sister beautiful,†matud sa hold-aper. “Di ka pa nga makatilaw ka karon sa labing lamian nga potahe sa kalibotan nga dili mo hitilawan sa kombento.â€
Mihugyaw sa pagpangatawa ang duha ka tulisan nga kauban sa hold-aper nga buot molugos kang sister Veronica.
Milugnot na usab si sister Veronica sa dihang gihagkan na usab siya sa hold-aper. Ang mga pasahero sa bus niadtong tungora nahisama sa nagtan-aw og usa ka talagsaong pasundayag. Malagmit nga kadaghanan kanila, kun dili man ang tanan, mao pa makakita og ingon niadto nga talan-awon kun magmalampuson ang hold-aper sa paglugos sa madre sulod sa bus nga nagdagan.
Ang tulisan ingon sa napikal sa pagpunay og panglugnot ni sister Veronica. -- Sumpayan pa