Ang anak sa kanhi polis

Maanyag kaayo ug sa edad niyang 15-anyos, aduna na siya’y talagsaong gitas-on. Si Donna gani nga iyang silingan, dugay nang gusto untang mangutana niya kun wa ba’y nag-agni niya, nga moapil og mga bangga sa kaanyag ugaling lang kay nagpanuko gyod siya sa pagpangutana kang Sonia kalabot niini. Kay istrikto man kuno ang iyang amahan.

Ang amahan ni Sonia kanhi  usa ka polis. Istrikto gyud kuno nga pagka polis. Nakadawat man gani kuno kini og award isip usa ka banggiitang polis. Kay napatay man ang kriminal nga iyang gigukod ug miuna kuno sa pagpamusil kaniya.

Tungod niini, nakapangasawa siya og usa ka maanyag nga kanhi usa ka receptionist sa usa ka dakong cocktail lounge. Pero ang inahan ni Sonia wa magdahom nga adunay tinagoang kalihokan si PO2 Reynaldo  Quimbo. Protector diay siya sa usa ka casa, nga namaligya’g mga batan-ong mga babaye nga molipay sa mga lalaking uhaw sa kalibutanong kalipay.

Nasakapan si PO2 Quimbo sa ilang labaw, mao nga gipahimo siya’g usa ka resignation letter. Kay kun dili siya mo-resign, pasakaan siya og kaso. 

Apan bisan pa, mahalon ang cellphone ni Sonia. Kanunay’ng humot nga moadto sa usa ka Night High School. Bisa’g magabii ang iyang klase, sayo siyang molakaw. Unya  mosunod ang iyang amahan nga kanhi polis.

Ang amahan ni Sonia maoy makig-istorya sa mga lalaki, nga gustong modaa ni Sonia aron kini lipayon. Si kanhi PO2 Quimbo usab ang modawat sa kantidad nga ibayad sa lalaki, aron lipayon ni Sonia, ang anak sa kanhi polis. (Kataposan)