Maria Magdalena Gula 231
“Nga-nganong dili, basin diay magub-an ko pag-usab at least duna ko’y masangpit,†daw wala sa hunahuna ko nga mitubag.
Gitug-anan ko si Victor sa akong cellphone number.
“Usbon ko,†nako pa. “Thank you very much sa imong pagtabang nako.â€
“Way sapayan. Basta ikaw, Maria,†nagkanayon si Victor.
Misakay na ko’g balik sa sakyanan. Dihang misugod na ko’g padagan sa sakyanan, nakita ko si Victor pinaagi sa side mirror nga mikawaykaway kanako. Gisundan niya’g tan-aw ang akong gisakyan nga nagkalayo gikan sa iyang nahimutangan.
Pag-abot nako sa balay, nakadawat ko’g text gikan sa cellphone number nga wala marehistro sa phonebook sa akong cellphone. Pagbasa nako sa text, akong nasuta nga gikan kini kang Victor. Gi-phonebook nako ang cellphone number ni Victor.
Mao toy sinugdanan sa among pagbayloay og text messages. Pinaagi sa text nagtinug-anay mi sa among tagsatagsa ka estado sa kinabuhi. Sa iyang gitug-an nako, minyo siya apan dili pa kasado ug wala sila’y anak. Atoa sa Ormoc ang iyang asawa kay taga didto man sila. Samtang si Victor nia sa Cebu aron mangita og panginabuhian.
Gitug-anan sab nako si Victor nga minyo ko. Wala nako tug-ani si Victor nga dili usab ako kasado ngadto ni Neggar. Sa akong pagtuo, wala na kini kinahanglana.
Usa ka higayon niana, mi-text si Victor. Nangutana siya kun dili ba kuno ko molakaw. -- Sumpayan pa
- Latest
