Hunit pa diay sa tul-an sa kabaw

Kahilakon baya si  Oprit, nga maghunahuna nga kun mahinayon sila si Pikto og kaminyo seguro gayod kini nga mamatay sa dili insakto nga oras. Hilabihan gud kini nga niwanga og lawas.

“Ako baya ang maluoy kanimo Pikto nga moahat ka gayod og pangasawa kanako?” ni Oprit pa nga luhaan ang duha niya ka mga mata.

“Bisan tuod og ingon lang niini ang akong lawas, Oprit, magdin-a gihapon ikaw ... hangtud mosurender!” sagol sa pangandak ang tuno sa sinultihan ni Pikto.

“Pagkahilas baya nimo Pikto nga manulti? Ako baya ang maluoy kanimo!” hapit manuasik ang laway ni Oprit nga gikalitan nga naminaw ni  Pikto.

Sa kadako gud sa lawas ni Oprit, seguro man gayod nga mapigsat ang kalawasan ni Pikto nga hilabihan intawon kasapsing ang lawas.

Dili matali sa tudlo sa mga silingan ni Oprit, ning ilang balangay sa Pitalo nga mibati og dili tiaw nga kaluoy ni Pikto diin kini magkanayon: “Ma-kriminal gayod ikaw Oprit nga tuyoan mo sa pagpakigminyo kang Pikto?”

Wa lang kini paminawa ni Oprit. Nahibawo na siya unsay umaabot nga dangatan sa iyang pamanhunon.

Halawom nang gabii nga nanglakaw ang mga bisita nila ni Pikto. Gipanguyawan na si Oprit. Way hunong pagpanggisod ang kabugnaw sa iyang singot. Daw bugbog. Sa may dakong lantay sulod sa ilang sibay, nagpaabot si Oprit kun unsa gayo’y labok sa iyang bana.

“Pagngon ta lang akong mahal nga asawa ang lamparilya aron dili ingog nga hunahunaon, samtang sugdan ta na ang pagbinuakay sa pakwan!” sagol kanguhal ang sinultihan ni Pikto.

Ang kaanapogon nga kangitngit sulod sa may sibay, ang mipasulabi niadtong higayona. Kaingnunon na unta si Oprit nga dili na lang una ipadayon ang ilang pagdigamohay niadtong gabhiona. Maluoy siya sa iyang bana. Apan ... ambot unsang pagkaunsaa may nahikapan man si Oprit dapit sa may bilahan ni Pikto nga nagbitay diin diriyot siya kuyapi sa talagsaong kagahi?

Nag-utnga si Oprit sa kahugot. Lugos siya makaginhawa.

Nakasinggit siya nga nagkanayon!

“Waaaaa ..... koooo ..... magdahommmm .... Piktooooo ... ngaaaaa hunittttt ..... paaa diayyyy .... saaaa .... tul-annn saaaa kabawwwww .... anggggg ... nagbitay .... saaa ... imonggggg bilahannnnnnn!” (Kataposan)