Dili na ka-control

Dear Tita Salie,

Maayong adlaw kanimo ug sa tanan nga nagsunod sa imong column. Tagoa lang ko sa ngalan nga Jonathan, taga Yati, Liloan, Cebu. Ulitawo pa ko karon ug nagpangedaron og 23 anyos.

Medyo nahasol lang ko sa akong condition karon tungod kay kanunay na man nga magsakit ang akong pus-on. Nahadlok lang ko nga duna koy sakit karon.

Sa una man gud, Tita, dihang nagpanuigon pa lang ko og 18 anyos magsige ko og pagamit sa mga bayot. Bisan kinsa lang basta dunay kuwarta. Usahay usab libre na lang. Gawas sa mga bayot usahay mangabang usab ako og babayeng mubo og lupad kun abton ko og gana sa sex.

Dunay mga higayon nga manginit ang akong lawas busa mogamit ko og babaye. Kun wala ko’y budget mag sariling sikap na lang ko, Tita, tungod kay maglisod na man ko og control sa akong biga. Mao kini karon nga magsakit na ang akong pus-on. Unsa man kaha kini Tita? Makapamabdos pa kaha ko kun magminyo na ko? Unsa may akong buhaton? Palihog pasabta ko. Thank you and God bless.

* * *

Hello Jonathan,

Ayaw kalimti nga ang atong brain gibutang ibabaw sa atong lawas kay mao kini ang magmando sa atong lawas. Ayaw baliha ang unsay natural, ayaw himoa nga ang imong lawas maoy momando sa imong utok. Kay mao gyud kini ang kasagaran nga kaso kun nganong duna tay daghang problema kay atong gipasagdan ang situwasyon nga ang atong lawas maoy momando sa atong utok. Ang mga tawo maglisod paghunong sa ilang mga bisyo tungod kay nagpadiktar man sila sa gipangayo sa ilang lawas.

Dili ko motuo nga dili nimo ma-control ang imong kaugalingon. Dili ko ma-convince nga dili kayang i-control ang biga ug uwag sa tawo. Makaingon ka nga dili makontrol tungod kay wala man nimo gamita ang maayong panghunahuna. Hunahunaa kun makaayo ba nimo ang magsige og pagamit sa bayot, ang mogamit og babaye ug ang magsige og masturbate.

Niingon kang dili ma-control kay everytime nga moingon ang imong lami mogamit, lami magpagamit imo man dayon hatagan. Stop una ug hunahunaa kun maayo ba kini aron imong ma-control. Ug pa-check-up sa doctor aron maseguro kun wala ka bay angay kabalak-an. -- Tita Salie