Ako si Francing. 60 anyos na ko ron. Tiguwang dalaga ug makasasala. Kaniadto god, duna ko’y sastre. Kay ako ray mo-design sa akong mga sinina, pero dili ko motahi, bisa’g makamao ko. Ang sastre nako si Diding. Naibog kong Diding, ug duna gyu’y nahitabo namo.
Apan kinahanglan putlon ang relasyon. Kay ang asawa ni Diding nga si Adela, mao ra pod ang iyang despogadera. Silang duha sweldado nako ug dinhi sa akong panimalay sila kaniadto magtrabaho.
Naulitawo man ang kamagwangan nilang anak nga si Jingjing, mao na’y kanunay’ng mosulod sa akong kwarto si Jingjing nag-drive og taxi. Pero naminyo na pod si Jingjing, giputol namo ang among relasyon.
Ang manghod ni Jingjing nga si Jonas nga nagtungha pa, nagkuha’g mechanical engineering mao na usab ang gipasulod nako sa akong kwarto inigka gabii. Nalipay man ko niya. Nalingaw ko’s iyang hiyas sa parte sa iyang lawas. Dili hinuon siya sama ni Jingjing, nga ipaakob ang ngabil sa akong ngabil sa dihang mechanical engineer na si Jonas nagminyo pud, busa ang manghod niyang si Jimmy mao na usab ang pasudlon nako sa akong kuwarto.
Electrical Engineering ang kurso ni Jimmy. Mabdos ang hinigugma busa bisa’g mga bata pa kaayo nagtipon sa pagpuyo sa ginikanan sa babaye. Nakalarga si Jimmy, nagka-ulitawo ang anak nga si Billy. Dihay kausa, ako siyang gitawag ug gihikap hikap ang iyang lawas gikan sa dughan paingon sa ubos. May nahitabo namo. Kadaghan kini mahitabo. Nakuha nako ang number sa iyang cellpone. Gihipos nako, unya mibalhin sila’g pinuy-anan. Kay gimingaw man kong Billy, gitawag nako siya usa ka higayon. Matud ko, “Hello, Billy? Ikaw ni? Nagsabak ko. Ikaw ang amahan.â€
Tataw nga wa motoo si Billy kay kinsa may motoo, nga magsabak ang usa ka babayeng kapin na sa singkwenta anyos ang panuigon? (Katapusan)