Dear Tita Salie,
Have a wonderful day. Just want you to call me Ms. Aries, from the city of Carcar, still single.
I have a boyfriend right now ug duna nay nahitabo kanamo sa makadaghan na nga higayon. Kanunay na namong gisubli-subli pagtagbaw ang among kahangol sa sex.
Sa tinuod lang, Tita, duna koy pagduda niining akong boyfriend. Nagduda ko ug dili ko segurado kun tinuoray ba gyod ang iyang gugma diri nako. Pero padayon lang gihapon ko nga nakipag-relasyon kaniya, namasin nga iyang ipakita nako ang iyang pagkasinsero.
Pero karon, Tita, nawad-an na man hinuon ko og gana niya. Mora og dili na sama sa una ang akong gugma kaniya. Mora’g seryoso na ra ba siya, Tita.
Unya ibalhinay na ra ba ko og trabaho. So, magkalagyo na unya ming duha. Ang akong problema kun maka-survive kaha siya sa iyang gugma kun layo na mi sa usa’g-usa? Unsay akong buhaton? Palihog pasabta ko. Thank you so much and more power.
* * *
Dearest Ms. Aries,
Mao kini ang kasagaran nga mahitabo kun kanunay na ninyong gisaw-an ang maong buhat. Moabot gyod ang panahon nga pul-an mo tungod kay nahurot na ang curiosity alang sa usa’g-usa. Wala nay thrill and excitement tungod kay nabuhat na man ninyo ang tanan. Labina gyod kondili kaayo lig-on ang foundation sa inyong pagminahalay ug gisapawan kini sa lawasnong kainit. Kay once mawagtang ang inyong mga gana sa usa’g-usa usahay mawagtang usab ang gamay nga gugma. Sama sa senina nga kanunay nimong gisul-ob dali ra kaayo kining madaan ug dili kana ganahan mosul-ob tungod kay ikaw napul-an.
Busa kun wala kanay feeling kaniya, pahibaw-a siya niini aron dili siya magdahom nga seryoso ka kaniya. Tungod kay matud mo nga mora og nausab na siya sa iyang pagpakigrelasyon kanimo ug tinud-anay na gyod ang iyaha. Mas maayo nga dili pa mo minyo ug nahitabo kini kay dili pa dako ang problema.
Sultihi siya ug ayaw kabalaka kay sa hinayhinay iya rang madawat ang imong desisyon. Dali ra niya kining dawaton labina nga mobalhin ka og trabahoan, busa dili na siya magsige’g kakita nimo. Dili maayong pugson ang kaugalingon sa gugma tungod kay sa unahan ikaw lang gihapon ang magkaproblema. -- Tita Salie