Maria Magdalena

Gula 193

“Asa man ta ron?” Gipangutana ko ni Neggar human sa makadiyot namong paghangpanay.

“Ambot nimo,” mao ray akong natubag kay wala koy idea mahitungod sa iyang gipangutana.

“Ikaw man ang nasuheto dinhi busa ikaw ang akong tour guide. Gusto ko sa lugar nga duna tay privacy kay daghan tag panagsultihan.”

“What particular place ang imong gustong adtoan kanang wa pa nimo maadto?”

“Ahm, hotel...for instance.”

Wala ko makatingog.

“Kun ako’y magbuot walay suk-anay, ha,” nagkanayon si Neggar. “Kay dili man ka modesisyon, ok?”

Sa usa ka luhong hotel nga nahimutang sa downtown sa dakbayan sa Sugbo mi-check in kami si Neggar. Wala ko magpanuko sa pagkuyog kaniya bisan unang higayon pa lang kaming nagkita sa personal. Dili na siya usa ka bag-ong kaila alang nako. Kay nagkarelasyon na kami bisan wala pa kami magkita.

Boyfriend ko na siya bisan og sa text ug chat lang nadugtong ang among relasyon. Makadaghan na mi mag-phonesex. Ug kun unsa man ang mahitabo sa among panagkita sa personal, andam na ko sa tanan.

Paghisulod namo sa hotel room, nanawag dayon si Neggar sa room service pinaagi sa telepono. Mi-order siya’g pagkaon. -- Sumpayan pa