In-Love
Gula 5
Nakapahiyom si Avel nga mitutok kang Welyn ug daw dili makatoo sa gisulti sa dalaga nga wala na siya’y boyfriend ning higayuna.
“Dili ka motoo nga wala na ko’y boyfriend karon Vel?†matud ni Welyn kay nakabantay siya nga nagduha-duha pagtoo si Avel sa iyang gisulti. Gipasabot niya si Avel nga daghan ang nanguyab kaniya apan wala pa g’yud siya’y gisugot.
Nakahuna-huna si Avel og pamaagi sa pagkomedya ni Welyn apan magdala usab og tinuod. “Kun mao Lyn, dili na lang diay ko magpatuga-tuga aron dili mahisama sa mga nanguyab nimo nga igo lang gibasted,†ni Avel.
Nakakatawa si Welyn nga nakadungog sa gisulti ni Avel. “Kay ngano nagplano ka Vel? Pulos man lang g’yud binuang ning mga lalaki, kun sugton na gani mangita na ‘sab og laing babaye,†matud ni Welyn.
“Dili tingali sama ang tanang lalaki Welyn. Kun ako’y makauyab nimo, pastilan, dili ko magdugay-dugay, pangasaw-on g’yud tika dayon,†ni Avel pa nga mipaagi lang sa komedya sa iyang pagpanguyab.
Gi-serve na ang ilang makaon. Nakabantay si Avel nga dili hilig si Welyn og softdrinks kay mineral water ra ang gi-order niini uban sa mango juice.
Gibuksan ni Avel ang bottled water. “Sweet g’yud kaayo ka Vel uy. Thanks,†tam-is kaayo ang pahiyom ni Welyn nga mipasalamat ni Avel. Human nila og kaon, gitawag na ni Welyn ang waiter aron iyang bayran ang ilang nakaon.
“Ako ra’y bayad Lyn, bangka nako kini kay first time nga nagkauban kita pagpangaon,†ni Avel. Mora’g nauwaw si Welyn ug misuway sa pagtunol sa tibuok usa ka libo ka pesos.
“Hala, may bayranan pa gani unta ko sa pag-ayo nimo sa akong awto unya ikaw na ‘sab mobayad,†matud ni Welyn. Gitutokan na usab ni Avel ang tahum kaayo nga panagway ni Welyn. Nagpahatud na si Welyn sa iyang gipuy-an sa Barangay Cogon-Ramos. Kadto maoy unang higayon sa ilang panag-uban. Milabay ang mga adlaw nga ang ilang panagkontakay gipaagi lang sa text message.
Usa ka gabii, gibati og kamingaw si Avel kang Welyn. Nakahuna-huna siya nga iyang teksan ang dalaga. Gipahinumdoman niya kini sa iyang tinagoan nga pagbati kaniya.
“Gusto lang ko nga masayod ka Lyn nga gipangga ko ikaw. I miss you and Good Night,†ni Avel pa sa iyang text message. Wala danti og minuto nakadawat dayon si Avel ug reply gikan ni Welyn. “I miss you too Vel.â€
Wala na mobawos pag-reply si Avel. Nalantaw niya’ng daan nga mahisama ra siya sa ubang nanguyab niini nga igo lang gibasted. Igo na nga masayud si Welyn nga in-love siya kaniya. - Sumpayan
- Latest
