Dear Tita Salie,
Good day. Just call me Mr. Lonely, still single ug usa ka polis kanunay gyud ko mobasa og pasabta kay malingaw ko sa imong tambag. Hinuon, mobasa man ko ug lain-laing mga newspaper tungod kay wala man ko’y lingaw usahay.
Ug dinhi niining imong lindog, Tita, ganahan kaayo ko kay daghan ko og makat-onan ug ako gyud kining gihinay-hinayan pagbuhat sa akong kinabuhi ang mga principles nga imong gitudlo. Mao bitaw usahay medyo practical na usab ang akong pagtan-aw sa kinabuhi.
Ang akong problema mahitungod kini sa akong lovelife kanhi. Duna man gud ko’y girlfriend sa una apan nagbulag na mi 4 years na ang nilabay. Apan kausa nanawag man siya kanako ug nangumusta. Unya mi-text siya nga gusto daw niyang makig-estorya kanako.
Laing higayon misumbong siya nga duna daw ni-court niya nga guy. Ug ako siyang giingnan nga wala nako’y labot kun duna may manguyab kaniya. Human niadto wala na siya mo-text.
Sa una permi ra ko niya abogon, tungod lagi kay wala ko’y trabaho samtang siya naa. Pero karon, Tita, polis na ko. Ug mao daw nga mi-text siya nako kay iya daw kong nakit-an naglakaw.
May feelings pa kaha siya diri kanako, Tita? Iya ba ko nga gipaselos? O tungod kaha kay polis nako mao nga ni-text siya? Naglibog ko, Tita. Palihog pasabta ko. Thank you and more power.
* * *
Maayong adlaw. Kun rason sa iyang pag-text kanimo ang atong pangitaon daghan kita og makit-an nga posibleng hinungdan nganong mi-text siya. Posible nga usa sa imong gituohan nga mga hinungdan ang iyang rason. Apan wala gyod kita’y kasiguroan niini. Busa igo ra gyod kita sa paghatag sa mga possible reasons.
Sa akong pagsabot sa imong mga nakit-an nga mga hinungdan kun nganong iya kang giteksan akong nasabtan nga duna kay kalagot o kasuko nga imong gitagoan sa imong dughan. Deep inside naglagot ka niya may be tungod kay sa una iya kang abogon. Maybe tungod kay imong gisabot nga iya kang gitamay sa una dihang wala pay nahot.
Maayo seguro nga imo lamang kalimtan ang tanan tungod kay lahi na ang imong kinabuhi karon. Usa kana ka polis dili sama sa una nga standby lang busa kalimti ang nangagi ug pasalamati siya kay usa siya sa mga hinungdan nganong milampos ka. Tungod kay na-challenge ka niya busa naningkamot ka aron dili na tamayon.
Tingali kun gusto lang siya nga mamahimo kang iyang amigo aron dunay masangpit kun siya nagkinahanglan og alagad sa batas. Just be positive in your life. -- Tita Salie