Gula 6
Giundangan ni Alex ang pagmasahe sa kalawasan ni Sannie ug ang iyang gihimo mao ang pagparayeg sa iyang girlfriend. Bisan og usa ka buta si Alex apan gibaliwala ra kini ni Sannie sanglit ambongan og panagway ang iyang boyfriend.
Misukol si Sannie sa pagpakigparayganay ni Alex. Ang tinuod, dugay na kaayo nga uhaw si Sannie sa parayeg sa usa ka lalaki kay kapin na sa tuig siya nga nabiyuda. “Dili ka kaha magmahay nga nakigrelasyon kanako Sann?†nakahigayon pa gayud pagsukna si Alex bisan og nagpadayon siya’g parayeg sa iyang girlfriend.
“Dili ko magmahay nga makigrelasyon nimo Lex. Alang kanako mas maayo pa ang buta kay dili bilyako sa mga babaye,†ni Sannie. Gitug-anan niya si Alex nga kadtong namatay niya’ng bana bilyako kaayo sa mga babaye kaniadto.
Ang pamahayag ni Sannie nakapasamot sa kainit sa tinguha ni Alex nga angkonon ang iyang girlfriend sa mao nga higayon. Nag-ukobay na ang ilang mga ngabil sa matam-ison nga pagminahalay.
Namingaw ang lawak nga ilang nahimutangan ni Alex ug Sannie. Wala gayud magmahay si Alex kay bansay kaayo si Sannie sa romansa. Misamot ang gugma niya ngadto sa iyang girlfriend.
Gikan niadto, kanunay na sila nga magtagbo si Alex ug Sannie. Duna gani mga higayon nga si Sannie moadto sa gipuy-an ni Alex diha sa Urgelio. Naibog kaayo ang mga kauban ni Alex kay ang ilang barkada nakaplag man og gwapa nga girlfriend.
Hangtud nga miabot ang higayon nga nagkasabot sila si Sannie ug Alex nga magtipon na lang pagpuyo. Didto sila mopuyo sa balay ni Sannie sa Labangon. Wala mohunong si Alex sa iyang pagmasahe isip maoy iyang panginabuhian.
Giabagan usab ni Sannie ang iyang bana sa panginabuhi pinaagi sa pagbaton og gamay’ng tindahan sa ilang panimalay. Giisip ni Alex nga kaugalingon niya’ng anak ang tulo ka anak ni Sannie ug sa namatay niini nga bana.
Paglabay sa pipila ka buwan sa ilang panagtipon, namunga ang ilang pagminahalay. Hangtud nga nanganak si Sannie sa una nila’ng anak ni Alex. Nakapasamot kini sa kainit sa ilang pagminahalay.
Bisan og buta si Alex apan mokita siya og subra pa sa minimum nga sweldo mata’g adlaw pinaagi sa iyang pagpangmasahe. Kapoy ang trabaho ni Alex apan nagpabilin ang iyang kaagresibo sa pakigparayganay ni Sannie, ilabi na sa gabii.
“Kaagresibo nimo Lex uy,†giingnan ni Sannie si Alex dihang giparaygan siya’g maayo sa iyang bana sa wala pa sila mangatulog. Wala magdugay, pareho na sila’ng duha nga gisanapan sa kahinam. – Taposon ugma