Gwapa mo lang bai? Seksi pa g'yud kaayo ang imong kateksmeyt ug bana-bana nako sa iyang edad mga 23-anyos pa,†matud sa amigo ni Alex.
Mipahiyom si Alex ug mihimo pa og gamay’ng panghambog sa higala. “Abi nimo bai, bisan og nakita na ko ni Sannie nga usa ka buta apan wala gayud siya mausab nako... wala ko niya buwagi.â€
Alang kang Alex swerte na kaayo siya kun mahimo niya’ng asawa si Sannie kay bisan tuod og usa kini ka byuda apan maayo kini’g hitsura sigun sa gitug-an kaniya sa iyang mga higala.
Subsob na gayud kaayo ang pagtawganay nila ni Alex ug Sannie. Usa ka adlaw niana, mitawag si Sannie kang Alex nga luya kaayo ang tingog. Mitug-an kini kang Alex nga wala siya sa kondisyon kay gihilantan.
Mitanyag si Alex nga masahean niya si Sannie. “Masahean ko nimo Lex? Sige, aria ko sa balay diri sa Labangon,†matud ni Sannie. Sanglit wala pa makatultol si Alex sa iyang gipuy-an, didto sila mag-abot sa eskena Katipunan ug A. Lopez.
Misakay sila’g traysikad paingon sa gipuy-an ni Sannie. “Dali, sulod Lex. Kami ra man ug ang akong duha ka anak nga gagmay kay tua sa eskwelahan ang kamaguwangan.â€
Gitapin-an ni Alex sa iyang kamot ang liog ni Sannie, init g’yud tuod ang iyang lawas. “Ari lang ta sa kwarto magmasahe Lex kay naa man natulog sa sala ang duha ka bata,†ni Sannie pa nga migunit sa kamot sa iyang boyfriend nga buta.
Misugod dayon pagmasahe si Alex kang Sannie apan naglisud siya kay wala man hukasa sa iyang girlfriend ang gisul-ob niya nga sapot. Nakabantay niini si Sannie.
“Naglisud ka’g masahe nga magsul-ob ko’g sinena? Oki ra ba nimo kun akong hukason ang gisul-ob nako?†ni Sannie pa. “Ikaw gud, wala la’y malisya kay total imo man ‘sab ko’ng boyfriend,†abtik kaayo si Alex nga mitubag.
Gihukas tuod dayon ni Sannie ang iyang gisul-ob. Ang nipis nga panapton na lang sa ubos maoy nahabilin nga nagtabon sa labing pribado nga parte sa iyang lawas.
Gihaplasan ni Alex ang buko-buko ug sampot ni Sannie. Nakabantay siya nga mora’g gigilokan ang iyang girlfriend kay ingon sa mihiwid ang iyang lawas. Wala gayud siya masayop kay pagkataud-taud miagik-ik si Sannie.
Nakasugnib kini og dugang kadasig ni Alex nga ayuhon pa niya sa pagmasahe ang iyang girlfriend. “Wala gayud diay ko masayop pagpili nga ikaw mahimo ko’ng boyfriend Lex kay mapinanggaon ka kaayo,†ni Sannie.
Wala motingog si Alex. Gi-imagine niya ang kanindot sa lawas sa iyang girlfriend. Wala diay g’yud magkomedya ang iyang mga higala nga seksi si Sannie. - Sumpayan