Gula 2
Bisan og wala pa sila magkahimamat ug si Rossana kon Sannie apan nakat-on na gayud og pagmahal si Alex sa iyang kateksmeyt. Naproblema si Alex kay sigurado siya nga molingiw na kaniya si Sannie kun makita ang iyang bayhon nga usa ka buta.
“Buta ka diay?†matud ni Sannie dihang gitug-anan ni Alex ang iyang kateksmeyt nga nahimo niya nga uyab kay aron mohunong na sa pagsigi og awhag nga sila magkita.
“Sagdi lang gud og buta ka, gusto lang ko nga motan-aw nimo Lex,†wala gihapon molubad ang tinguha ni Rossana nga makigkita sa iyang boyfriend nga wala pa gayud niya makita.
Tuod nagkasabot sila si Alex ug Rossana nga mag-abot. Sa Patio sa San Nicolas ang dapit nga ilang gikasabotan nga magkita inigka-ugma – Domingo. Wala mobati og kalipay si Alex nga magkatagbo na sila si Rossana.
Gilig-on daan ni Alex ang iyang kaugalingon. Giam-aman daan ni Alex ang iyang kaugalingon nga dili kaayo mobati og kasakit kun biyaan na ni Rossana human sa ilang panagtagbo.
Pagka-ugma, mitawag pa si Rossana sa selpon ni Alex. “Ayaw pang-Indian ha?†giingnan ni Sannie ang iyang uyab sa text. Human makapaniudto, hinay-hinay na nga milakaw si Alex paingon sa Patio San Nicolas. Gikan sa iyang gipuy-an sa Tres de Abril, naabot siya didto nga wala pa ang alas dos sa hapon.
Nangita si Alex og kalingkoran, usa ka sementado nga lingkoranan ilawom sa dakung punoan sa kahoy. Dunay mga babaye ug lalaki nga nanuroy sa maong dapit ug duna ‘say miagi-agi lang sa iyang duol.
Nagtoo na gani si Alex nga usa kanila mao na si Sannie ug nga igo lang siya nga gisud-ong ug dili na magpaila kanila. Gipislit ni Alex ang iyang relo-de-pulso ug mihatag kaniya’g oras. Alas 2:30 na sa hapon.
Giabot na og kalaay si Alex ug nagtoo nga dili na moabot si Sannie. Mitindog si Alex aron mopauli na lang sa iyang gipuy-an. “Alex! Alex! Ikaw ba kana?†tingog sa babaye nga nagsangpit kang Alex.
“Ako kini si Sannie. Ganina ra ko naglantaw-lantaw kun asa ka. Mitawag ko sa imong selpon apan dili ka makontak,†matud ni Rossana. Gidali pagkuot ni Alex ang iyang selpon apan wala na kini sa iyang bulsa.
“Mao diay nga wala ka nako motubag,†ni Rossana pa nga mikunit sa bukton ni Alex. Gihinay siya pagbitad ni Rossana balik sa gilingkoran niini sa sementado nga lingkoranan ilawom sa kahoy.
“Nakakita ka na man g’yud nako Sann nga usa ka buta, sigi mahimo na ko nimong biyaan,†ni Alex pa nga subo ang tono sa sinultihan. - Sumpayan