Gula 6
Miabli ang pultahan sa klinika ug misugat sa panan-aw ni Melody ang panagway sa doktor. “Dali sulod,†matud sa doktor. Nakita ni Melody nga may giandam ang doktor, mga gagmay kaayo nga rubberized hose, ingon man kadtong alluminum nga nasabtan niya nga “expander.â€
Gitagsa-tagsa sa doktor paghugas ang maong kahimanan, dayon gihuwaran kini niya og init nga tubig. “Sige na, paghukas ug higda sa katre, ipabitay ang imong duha ka tiil,†matud sa doktor. Gisugdan sa doktor ang iyang gimbuhaton. Gibati og kasakit si Melody dihang mibuka na kadtong alluminum nga expander diha sa iyang bilahan.
Dayon, nabatyagan niya nga daw dunay gituslok didto sa ilawom. Nakaginhawa’g lawom si Melody tungod sa grabeng kasakit. Gusto siya nga mongaab ug mitiyabaw apan nabalaka siya nga may makadungog sa gawas.
Hilom kaayo ang doktor nga mihimo sa iyang kalihukan. Nakabantay siya nga mora’g migamit og daku nga syringe ang doktor, dunay gipasuyop.
Wala’y nahimo si Melody gawas sa pagpiyong na lang sa iyang mga mata. Gipasagdan ra niya ang doktor nga mora’g miukay-ukay sa iyang bilahan.
Taud-taud, nahuman ang gihimo sa doktor. Gitangtang na kadtong alluminum nga expander. “Ok na,†matud sa doktor nga milingkud sa iyang lingkoranan ug dunay gisuwat.
“Palita unya kining mga tambal ug imna. Kanang usa para dili magdugo ug kanang usa para pawala sa sakit,†pasabot sa doktor. Luya kaayo ang panagway ni Melody apan nakapasamot kini sa iyang kaanyag.
Mitutok kaniya ang doktor. “Sige, mga duha ka semana gikan karon pwede ka na nga mobalik dinhi kun tumanon nimo ang imong gisaad nako,†matud sa doktor.
Wala na modawat ang doktor sa ibayad unta ni Melody. Sa wala pa mobiya sa klinika si Melody, gitutokan niya ang panagway sa doktor. “Mobalik ra unya ko dok,†ni Melody pa.
Tuod, nakabantay si Melody nga paglabay sa pipila ka adlaw, mibalik na ang naandan niya nga regla. Nalipay kaayo siya kay dili na siya mabdos. Apan nahasol ang iyang huna-huna kay mobalik ra ba siya sa klinika sa doktor.
Gikuyawan si Melody nga basin unya og momabdos na ‘sab siya. Apan dili usab mahimo nga dili niya tumanon ang gisaad niya sa doktor. Milabay ang mga adlaw, wala na ang binuwan nga “mens†ni Melody.
Usa ka hapon, misuroy siya sa downtown area ug kalit lang misantop sa iyang huna-huna ang doktor. Nakahuna-huna si Melody nga hapiton niya kini sa iyang klinika.
“Uy, maayo kay mibalik ka g’yud. Nagpaabot na ko nimo Melody kay gimingaw na ko nimo kaayo,†sa doktor pa. - Sumpayan