Call Girl - Gula 2
Ang kadagko sa makwarta ni Melody maoy nakaaghat kaniya nga mopadayon siya sa iyang pangita isip call girl. Sanglit mga kwartahan man maoy iyang kliyente, dali ra kaayo nga nakatigum og dakung kantidad si Melody.
Gani nagplano na siya nga moundang sa iyang pagka call girl ug manginabuhi na lang pinaagi sa pagnegosyo. Sa bana-bana ni Melody nga makabarug na siya kun moundang sa pagka call girl. Dili usab kaayo siya mauwaw kay dili kaayo bulgar ang iyang pangita dinhi sa Sugbo.
Apan usa ka hapon niana nakadawat og tawag sa iyang selpon si Melody. Gikan kini sa amiga niya nga si Tessa. Nagpahibalo kini nga adunay American national nga gusto nga makigdeyt kaniya kay naibog kaayo sa maanyag niya nga panagway.
“Day sigurado nga maka-jackpot ka g’yud kun ikadeyt nimo kini si James kay dunay akong kaila nga iyang gikadeyt wala g’yud magmahay, gipalitan pa og kotse,†matud ni Tessa. Mora’g mitingkag ang dunggan ni Melody nga nakadungog.
Naglibog kaayo si Melody kun iya pa ba nga ubanan kini si James kay gusto na lagi siya nga moundang sa bati niya nga pangita. Apan namugos gayud si Tessa nga mosugot siya nga makigdeyt kini kang James.
“Sige na day para mapiskan ‘sab ko sa kaayohan. Kun ako pa maoy nagustohan ni James day dili g’yud ko magdugay-dugay,†matud ni Tessa. Samtang naminaw kang Tessa, gipahit ni Melody ang iyang ngabil samtang gihuna-huna niya kun mosugot ba siya nga makigdeyt.
“Sige, sige day, makigdeyt ko anang American national. Tingali last na nako kini nga pag-uban og deyt isip call girl. Yuna pila may contract nga imong gi-offer?†gipangutana ni Melody si Tessa.
Gipahibalo ni Tessa si Melody nga P100,000 ang iyang gipangayo sa Amerikano sa tulo ka adlaw nga serbisyo ni Melody. “Ayoha lang g’yud day kay I’m sure nga dugangan niya ang ihatag nimo kun ma-satisfy siya sa serbisyo,†ni Tessa pa.
Pagka ugma, milarga dayon si Melody paingon sa Bohol kay tua sa Bohol Beach Club ang Amerikano. Gisugat ni Tessa si Melody didto sa pantalan sa Tagbilaran. “Wow, misamot ka kagwapa nianang imong gisul-ob,†matud ni Tessa.
Nanakay sila og rent-a-car og nagpahatud sa Bohol Beach Club. Alas 11 sa buntag didto na sila sa beach club. Nalantawan nila ang usa ka Amerikano nga didto naglingkod sa cottage nga naglantaw sa dagat.
“Kanang foreigner nga atong girumbo day Melody mao kana si James,†matud ni Tessa. Gikulbaan si Melody kay baskulado kaayo’g lawas si James. - Sumpayan
- Latest
