Dear Tita Salie,
Have a wonderful day. I am an avid reader of your column. Sikat kaayo ni diri sa among lugar kay mao gyod kini ang perming basahon.
By the way just call me Leah, I am still single, and my problem is about my lovelife. Duna ko’y boyfriend ug love kaayo nako siya. Dili gyod ko gusto nga magbulag mi tungod sa akong dakong gugma kaniya.
Pero kining akong boyfriend, Tita, hilig kaayong makig-sex. Dili gyod niya palabyon ang gabii nga dili ko niya magamit. Sa tinuod lang dili pa gyod ko gusto nga mabuntis tungod kay dili pa ko andam pero love man nako siya, busa, dili ko gyod siya mabalibaran.
Matag sex namo, Tita, ako gyod siyang hangyoon nga dili lang ipasulod ang iyang duga aron dili ko mabuntis. Mouyon ra usab siya, ug matud niya basta magawsan ayos na ang tanan.
Dili kaha ko mabuntis sa kadugayan, Tita Salie, nga kada gabii man mi mag-sex? Pero mao lagi kanunay ra gyod ko nga mapugos makig-sex kay love man kaayo nako siya.
Unsa may akong buhaton, Tita? Palihog pasabta ko. Thank you very much and more power.
* * *
Dear Leah,
Mapasalamaton kaayo ko sa inyong pagsunod sa atong column. Dako nakong kalipay nga mahibaw-an nga dunay daghang magbasahan sa atong column.
Hangyoon ko ikaw nga ayaw patunto sa imong boyfriend. Sa akong tan-aw wala nay respeto ang imong boyfriend kanimo. Ug dapat magbantay ka kay tingali kun gigamit ka lang niya aron matagbaw siya sa lawasnong kalipay. Gigamit ka lang niya aron magawsan siya sa iyang ata, Leah, makatugot ka ba nga ingon niini ang pagtan-aw sa imong uyab kanimo?
Dapat usab nga mag-amping ka kay unya kun masipyat mo ug mamabdos ka. Hunahunaa lamang kun kinsay alkansi kung mahitabo kini. Maayo lang unta kun iya kang pakaslan ug unongan. Apan bisan pa man kun minyoan ka niya kun mamabdos ka ang pangutana usab kun kaya na ba niyang buhion ang iyang pamilya. Aduna ba siya pangita o trabaho?
Busa mas maayo gyod nga maneguro ka, undanga una ang inyong gisegihan pagbuhat ug hulata lamang ninyo nga andam namong magminyo. Ayaw ninyo una-unaha ang kalipay nga dili pa angay tungod kay sa kauwahian anaa ra ba gyod ang pagmahay. Ayaw na kasugot nga gamiton ka niya aron magawsan kay tawo ka ug dili instrumento. Makigminyo una siya nimo usa niya tagbawon ang iyang kaugalingon sa hustong panahon.
-- Tita Salie