Dear Tita Salie,
Maayong adlaw, Tita. Hinaot nga tagaan ka kanunay og maayong panglawas ug anaa unta kanunay ang kadasig aron makapadayon ka sa imong pagtabang kanamo. Daghan pa kaayo ang nagkinahanglan sa imong panabang.
Tagoa lang ko sa pangalan nga Mr. E. Ang akong problema mahitungod kini sa akong life ug sa akong lovelife. Sa una man god duna koy uyab ug love kaayo nako siya ug ingon man usab siya super in love kaayo siya kanako.
Tungod lagi kay in love kami among nabuhat kanunay ang pagtagbaw sa among kaugalingon pinaagi sa sex. Kanunay lang kami mag-sex, Tita. Halos kada gabii gayod tungod kay pareho ming duha nga nag-enjoy niini. Pareho kaming duha nga naadik sa usa’g-usa ug kanunay magpangita sa maong buhat.
Apan nagkabulag mi sa akong uyab, Tita. Sakit kaayo sa akong dughan nga wala na siya kanako. Ug labaw pa niini gimingaw na kaayo ko niya ug labina sa kanunay namong buhaton. Mao nga karon magsige na lang ko og handom kaniya ug sa among gibuhat.
Apan nahadlok nga dili na maka-anak kay nagsige man ko niining akong buhat. Apan dili usab ako kalikay, Tita. Unsa may akong buhaton? Palihog pasabta ko. Thank you very much and God bless!
* * *
Maayong adlaw kanimo, Mr. E.
Ayaw katuo nga dili nimo mapugngan ang imong addiction, tungod gihatagan kita og gahom aron batokan ang tanan nga mosuway pagpukan kanato.
Dunay giingon sa pagtuon sa spiritual Psychology nga our “best enemy is ourself,†kay ang atong self mas strong pa kini kay sa usa ka batallion nga army. Tungod lisod kaayong pildihon ang atong kaugalingon.
Sama sa usa ka tawo nga kusog kaayong manigarilyo ug kadaghan na siyang mo-attempt pag-undang apan kanunay lang gihapon siyang malupig sa pagsulay ug maglisod siya mobalibad sa tawag sa gusto sa iyang lawas nga manigarilyo. Maglisod siya pagpildi sa iyang bisyo kay lig-on gyod kaayo.
Ang angayan nimong buhaton mao nga imong i-control ang imong kaugalingon. Imong i-disiplina ang imong lawas sa higayon nga mobati ka’g kainit sa lawas ug mokusog ang imong imagination pakganga kini pinaagi sa pag-divert sa imong hunahuna. Gawas sa imong kwarto ug pangita’g buhaton aron mausab ang dagan sa imong hunahuna. Puyde kang manglampaso o mag-exercise. Bisan unsa lang aron malabanan ang daotang hunahuna. -- Tita Salie