Maria Magdalena - Gula 113

May nahitabo gyud tali kanamo ni Walter. Milampos siya sa pag-angkon sa akong pagkababaye sanglit gitahan ko man kini kaniya sa hingpit. Akong nadiskubrehan nga usa ka sexual athlete si Walter. May lahi siyang style sa paglipay og babaye. Matagbaw gyud kanunay ang iyang asawa.

“Wa ko magdahom nga makahimo ka pagbudhi sa imong best friend,” matud ko human kami molampos pagkatkat sa kinapungkayan sa himaya, ug wala ka ba maluoy sa imong asawa?”

“Kang Daniel?” Misukna siya.

“Oo.”

“Nakahimo ka man gani sa pagbudhi kaniya, ako pa kaha.”

“Gipakonsensiya ba ko nimo sa atong gibuhat?”

“Wala, uy. Duna lang koy buot ipasabot niadtong pagkasultiha.”

“U-unsa man?”

Gisuginlan ko ni Walter sa kaagi nila ni Daniel. May babaye diay nga nagustohan si Walter, ginganlan og Ruth nga gikaila nila sa nagtungha pa sila sa high school. Gusto untang pangulitawhan ni Walter si Ruth apan gikombensir kini ni Daniel nga mosulod pagka-madre. Nasubo siya pag-ayo. Apan wala mausab ang pagtagad ni Walter ngadto kang Daniel tungod kay gusto man sad niining magpari. Religious ug buotan gyud si Daniel sukad pa kaniadto.

Managhigala gihapon sila. Ug si Daniel walay kasayoran nga nakagusto siya kang Ruth. -- Sumpayan pa