Maria Magdalena

Pipila lang ka daklit ang milabay, pareho na kaming hubo ni Daniel. Mipahimutang si Daniel aron sugdan sa pagtaak ang ganghaan sa ikapitong langit.

Tuod, namatud-an gyud nako nga kondisyon kaayo si Daniel. Nahibulong gani ko kun nganong wala siya maluya bisan kapila na kami morebansin. Ako hinuon maoy mibati na’g kakapoy ug kawalay gana. Wala sab ko makasabot sa akong kaugalingon. Kay samtang si Daniel ang akong kasawo sa pagtagay sa lawasnong kalipay, si Walter man ang nagduladula sa akong hunahuna. Nakighadla si Walter sa akong handurawan.

Milabay ang duha ka semana. Usa niana ka adlaw, adunay nanawag kang Daniel. Ang agency nga iyang giaplayan ang nanawag kaniya. Nagpahibalo kini kaniya nga may trabaho na nga naghulat niya ug nga kinahanglang mo-report sa labing daling panahon.

“Kinahanglang molarga ko sa sunod adlaw paingon sa Manila, loves,” ni Daniel pa.

“Nganong kalit man kaayo? Wa man ka nila gi-inform in advance.”

“Mao lagi. Dili pa unta ko gustong mahilayo nimo pero unsaon nga gitawagan na man ko sa agency nga akong giaplayan. Usik man sab kun palabyon nako ang kahigayonan. Trabaho gud ang atong gipangita.”

“Nakasabot ko, loves. Sagdi lang kining tanan alang ra man usab sa atong kaugmaon. Mao nga kinahanglan gyud nga pahimuslan nimo ang oportunidad.” -- Sumpayan pa