Dear Professor Tata Swami,
Unsay hubad sa akong damgo, dili kay kausa kaduha or katulo ko magdamgo ani, magdamgo ko na akong ngipon sa bag-ang nahingo unya sa sunod nga adlaw ang atubangan na sad nako na ngipon ang mapangag, unya nagdamgo pud ko na tanan ngipon nako nangapangag jud.
Unya karong bag-o nagdamgo na pud ko nga ang atubangan sa akong ngipon napangag unya paghingo nako naay nitubo nga duha ka gagmay nga ngipon unya paghikap nako kalit lang pud kahingo.
Unsa pasabot ani. — SAM
Hello Sam,
Diretsuhon taka sa pagsulti nga gusto ko nga mag-amping ka kanunay kay kuyaw kaayo kang maaksidente o' masakit. Pag-ampo permi kay dili gyud ni maayo. Kung naa man gani kay gibati sa lawas, ayaw ni baliwad-a kay labi na nga nagdamgo kang napangag ka nya naay nitubo nya nahingo na pud, nagpasabot man gud na nga nagtuo ka nga ok ra ang imong gibati sa lawas kay gamay ra, pero dili diay. Or abi nimo nga ok lang ang panahon, maski uwan-uwan lang gamay, dili diay... mao ni ang panahon nga imong hunahunaon ug kadaghan kung imo bang ipadayon ang imong paglakaw o' tagaan ba nimo og time nga magpa-check-up ka kay basin dili lang diay ni panuhot imong gibati, labaw pa diay ok?
Posible sad kaayo nga naay mopahuway usa sa imong mga kabanay, maong pasidan-an pud nimo sila. Labi na kadtong mga tawo nga duol sa imong kasingkasing o’ matandog imong kalibutan kung mopahuway na sila sa dayon ok?
Amping! — Prof. Tata Swami D' Swami (Descendant of Professor Swami)
Facebook page: https://www.facebook.com/BeyonddreamsBYdswami; group page: https://www.facebook.com/groups/beyonddreams.swami.
* **
Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: beyonddreams2112@yahoo.com.