Maria Magdalena

“Maayo man, tubag ni Daniel. “Wala’y kakulian ang akong pagbiyahe.”

“Unya, unsay resulta sa imong application didto sa inyong agency?”

“Okey na.” “Unsay okey na?”

“Naaprobahan na ang akong application. Magpaabot na lang ko sa ilang pagtawag. Mora’g dili tingali maabtan og tulo ka bulan makalarga na ko, Maria. Basin og tawagon na ko sa among agency next week. Kinsay nasayod dili ba?” Unsaon na man lang unya?”

“Sige lang. Okey ra kana para nako. Importante man sab nang imong trabaho kay alang man kana sa atong kaugmaon. Mag-antos na lang ko bisan mingaw kaayo.”

“Thanks nga nakasabot ka. Sagdi lang. Sa dili pa ko molarga pagbalik sa gawas, paningkamotan kong mabinlan ka og anak aron duna kay kalingawan ug duna kay kauban.”

“U-unsa?”

“Gusto kong momabdos ka na, Maria. Gusto na kong makakita sa atong liwat.”

Wala ko motingog. Unya kalit lang kong gigakos ni Daniel. Unya gisapwang ko niya ug gidala ngadto sa sulod sa among kuwarto.

Paghisulod namo sa kuwarto, mainampingon kong gipahigda ni Daniel sa ibabaw sa kama. Unya gitangtang niya ang tanang salimbong sa akong lawas. Kadali ra usab siya nakahubo sa iyang sapot. -- Sumpayan pa