Prof. Tata Swami,
Pwede ko magpa-interpret sa akong dream? Pls. Nakita kuno nako nga gikasal sa lain babae akong bana.Then pagkakita nako niya ning-congratulate rako akong gikahibulngan nganong wala ko nasakiti sa akong nakita? Wala pod ko gahunahuna or nagselos niya karong mga panahona.
Salamat daan!
Tess,
Kung wa man gani ka naghunahuna nga naay lain imong bana, naa ni meaning. Pero kung nag selos lang ka niya lately, wa ni kahulugan.
Pero kay wa man kaha gyud ka nag selos niya lately, nagpasabot nga naay offer imong bana, basin trabaho o’ negosyo ni ug maoy makapa busy niya. Kung maabot man gani ni, support gyud ka, ok?
Amping!
* * *
Dear Prof,
Nagdamgo ko karun nga niadto ko sa eskwelahan nako pag high school unya nagkita mi sa akong teacher(dili kaau nako favorite) nag-talk mi didto, didto nako gipagawas akong mga hinanakit sa life nga puwerte nakong hilak. Nibalik ko sa classroom naa may tapoktapok mga teachers nako gipangita na pud to nako ang akong teacher unya nag-thank you ko niya nga mao to na ok na akong pamati human ko nakahilak. Lubos lubosin ko na ok ra ni ipahubad pud nako?
Unya ang nisunod nga eksena kay si Gretchen Barreto (artista) naay gibitbit nga bato unya igka alas dose daw kay mahimo na siyang sirena unya moambak siya sa dagat while ako naa koy lalaki nga ka istorya ug ga igat igat ko apan gikuyogan nako si Gretchen nga mulukso sa dagat. Paglukso namo sa dagat ngitngit to siya unya naay mga Coast Guard nga nakakita namo ug gi-flashlightan mi giingnan mi nga e-save mi then naa pud mga divers niingon nga ayaw ug saba kami ang mo-save ninyo so ang nakakuha namo og una kay mga divers. Salamat Prof.
Ms. XXX
Ms. XXX,
Kini imong damgo bahin sa imong teacher sa high school nagpasabot nga kuyaw’ng nasakit siya karong mga panahona. Kung naa kay chance nga mangumusta niya, buhata. Buhata ni aron mapulihan og mga nindot katong mga bati nga nahitabo sa una ok?
Kini imong ikaduha nga damgo nagpasabot nga naa kay mabantayan nga bag-ong batasan sa imong hinigugma. Naay bati ug nindot. Ang bati kay duolonon kaayo siya og mga tentasyon unya mosakay pud ra ba siya, dili ingon kay ganahan siya, but hinagad lang gyud siya! Pasidan-i nalang siya nga kung pwede, molikay siya sa mga tawo nga kusog kaayo mo baiid niya kay kuyaw pud nga matintal na gyud nuon.
Ang nindot nga imong mahibaw-an sa iyang batasan kay molaban gyud ni siya nimo. Pero ang weakness niya kay ang iyang pamilya, kung ang iya nang pamilya ang mohangyo nga buwagan ka niya, naa siya’y mga kahadlok. Kung magdugay mo then makahibaw cya nga love gyud kaayo nimo siya, basin ug YOU & ME AGAINST THE WORLD inyong drama <wink>!
Naa pud koy nakita sa imong damgo nga daghan pud kaayo ang gusto manintal nimo, mobaiid ra ba gyud. Maong ikaw pud ang kuyaw matintal.
Amping!
Prof. Tata Swami
D' Swami (Descendant of Professor Swami)
P.S. Katong gusto magpada og suwat, ipadala lang sa address: Hubad Sa Damgo. Banat News. Cor D. Jakosalem and V. Gullas Sts. Barangay Sto. Niño, 6000 Cebu City, Philippines.