“Unya manglakaw na mi ha?†giingnan ni Lino ang mahuyang nga si Tonette. Wala na magpanuko si Lino sa paggunit sa kamot ni Jonalyn karon nga nasayran niya nga usa diay siya ka call girl.
Mipaingon si Jonalyn sa nagparada nga taksi, apan gibitad siya paghinay ni Lino dihang natungod na sila sa kotse sa ulitawo. “Aw duna ka diay sakyanan? Maayo hinoon kay aron dili kaayo ta halata,†matud ni Jonalyn.
Misirit lang ang kotse ni Lino paingon sa V. Rama Avenue diin mahimutang ang motel nga nahimo na nga suki sa ulitawo dihang wala pa sila magkabuwag ug ang iyang hinigugma.
Wala danti og kinse minutos didto na sila sa motel. Diritso nga gipasulod ni Lino ang iyang kotse niadtong bukas nga grahe nga nagpasabot nga walay migamit sa maong kwarto.
Nanggawas sila sa kotse. “Tana, manulod na ta,†giagda ni Lino si Jonalyn samtang dungan niya kini nga gihapuhap ang igwad kaayong sampot sa dalaga. Daw nagpanilap si Lino nga nagpasiklap sa puti kaayo nga mga paa ni Jonalyn.
Bugnaw nang daan ang kwarto kay gipaandar na diay sa roomboy ang air-conditioning unit. Milingkod dayon si Jonalyn sa ngilit sa kama ug nagpahiyom nga mitan-aw ni Lino.
“Wala ko magdahum nga ang tawo nga maoy nakakita sa nahulog nako nga pitaka makauban nako karon sulod sa motel,†matud ni Jonalyn. “Ako ‘sab, wala ko magdahum nga ang babaye nga gitotokan nako pag-ayo kaganina tungod sa nindot kaayo niya’ng paa, ania na sa akong tupad,†bawos ni Lino.
Gigakus dayon ni Lino si Jonalyn ug sa unang higayon gihagkan sa iyang mga ngabil. Wala gayud maglangan si Jonalyn kay gisuklan dayon si Lino sa iyang pagparayeg.
Gitagbaw ni Lino ang iyang kahinam kang Jonalyn. Dayon ang kiriwan niyang mga kamot anam-anam na nga mihapuhap sa hamis kaayong paa sa dalaga.
Naglami ang ilang mga parayeg. Anam-anam sila nga nanginit nga daw gisukniban og talagsaong kainit ang ilang kalawasan sa padayong pagparayganay.
Mipaspas ang gininhawa ni Lino tungod kay kiaw na kaayo siya mipabatyag og kahinam kang Jonalyn. Usahay dili mapugngan ni Jonalyn ang pag-agulo tungod sa grabeng kalalim nga iyang gibati.
Karon gusto na gayud ni Lino nga angkonon na sa hingpit si Jonalyn mao nga gihimo na niya ang angayang himoon. Gitagsa-tagsa ni Lino sa pagpanangtang ang mga salimbong sa iyang kalawasan.
Misamot ang gibati niya nga kahinam dihang nakita niya ang tibuok lawas ni Jonalyn nga hilabihan kabigot. Gipawong ni Lino ang suga sa lawak aron ang maghatag og dan-ag kanila mao na lang ang suga sa banyo. - Sumpayan