Dear Tita Salie,
Have a wonderful day. I just hope that you are always happy and that you have peace of mind always.
By the way, just call me Mr. Cancer, (to hide my identity) because maulaw ko mailhan sa akong mga amigo nga magsige pud ko’g basa og Banat News labina ang imong column, Tita. I am still single, since wala pa man ko naminyo, but I have a baby to a girl that I never loved.
Naa man gud koy kauban sa trabaho, Tita, sa usa ka fastfood chain nga magsige og kuyog kuyog nako bisan asa ko muadto. Kun muadto ko sa akong mga friends mo-jam usab siya nako sa inuman. Bisan muadto ko sa akong mga ig-agaw ug paryente mokuyog usab siya. Ako na man unta siyang giprangkahan nga di ko ganahan nga magsige siya og kuyog nako kay wala koy gusto kaniya apan anaa lang gihapon siya.
Dihay usa ka higayon nga nakainom ko apan dili ko hubog ug nakatulog ko didto sa among boarding house, nikalit lang siya’g abot ug mitupad paghigda kanako. Nahagit ang akong pagkalalaki ug ako gyod siyang nahilabtan, Tita. Ug nasublisubli namo ang maong buhat hangtud nga nakabuntis ug nanganak siya.
Karon tua siya sa probinsiya ug gusto niya nga mobisita ko aron makit-an ang bata. Gusto unta ko makakita sa akong anak apan nahadlok pud nga dili nako makauli. Ako na nga naestorya sa fon ang iyang parents ug maayo ra pud sila kanako. Naglibog lang ko, Tita, kun muadto ba ko o dili. Unsay akong buhaton? Palihug pasabta ko. Thank you very much and may God bless you always.
* * *
Maayong adlaw. Husto kanang imong gibuhat nga wala ka moderitso og adto sa probinsiya sa imong naanakan. Tungod kay wala kay kaila didto ug mamiligro ang imong kinabuhi. Kinsay nasayod nga naglagot kanimo ang pamilya sa babaye o kaha may plano sila kun ugaling magpakita ka.
Pero bisan wala kay gugma sa babaye dili kini buot ipasabot nga wala ka nay tulobagon kaniya. Bisan pa man kun gihukaran ka lang dili lang gihapon ka gawasnon ug duna kay responsibilidad tungod kay mikaon man ka. Hinuon, dili ka puydeng pugson nga minyoan ang babaye tungod kay may anak mong duha. Puyde lang gihapon kang mobalibad kun wala gyod kay gugma kaniya.
Kun sa babaye makalusot ka, apan sa iyang anak may tulobagon gyod ka. Bisan kun dili nimo minyoan ang mama apan ang bata nga imong anak dapat gyud imo siyang tabangan ug suportahan kay imo man kining responsibilidad isip amahan.
-- Tita Salie