‘45 Minutes’

Gula 5

Wala dayon tumana ni Berting ang awhag ni Liza nga humanon na ang ilang kumbati. Hinoon gipaspasan pa niya ang iyang pagtrabaho ug maoy nakasugnib pa og mas dugang kalalim kang Liza.

Diha na gihuman ni Berting ang kumbati nga nakabantay siya nga nalum-oy na si Liza ug ingon sa gibatyag na lang niini ang kalalim tungod sa iyang gihimo nga lainlaing matang sa parayeg.

Dungan sila nga nagpahiyomay sa usa’g-usa human sa kapin g’yud sa 45 minutos nga kumbati. “Tinuod g’yud diay ang imong gisulti da, mora ko’g mamatay sa kalalim nga akong gibati Bert. Champion ka g’yud Bert nga wala lang gani sa kumingking nimo si Tiago,” ni Liza pa.

“Igo lang nako nga gimatuod kanimo nga dili ko bakakon Liz. Mahimong makat-onan ni bay Berting ang akong abilidad... tudloan lang nako siya unya,” giingnan ni Berting si Liza nga migakus kaniya.

“Ambot lang, dili g’yud ko maglaum nga makamao siya sa imong abilidad Bert. Ikatandi nako siya sa manok nga diritso lang og tapuko unya dayo’g dagan,” matud ni Liza nga ingon sa klaro kaayo nga nasagmuyo sa iyang bana.

Gipasabot ni Berting si Liza nga dili niya buot nga ang nahitabo kanila masubli pa pag-usab kay igo lang niya kini nga gipabatyag kun unsay bation sa usa ka babaye kun husto sa kinaadman ang ilang makaparayganay.

“Oki ra uy, dili na ko mangita pa’g laing hugna kay kadtong 45 minutos katumbas na sa upat ka hugna,”matud ni Liza nga nagpahiyom. Taud-taud, nakadungog sila og tugtogaok sa mga manok nga nagpasabot nga alas kwatro na sa kaadlawon.

“Lakaw na, pauli na sa inyo kay basin makamata na si bay Tiago ug masakpan ka niya nga wala ka sa inyo,” giingnan ni Berting si Liza. Gituman ni Liza ang gisulti ni Berting ug nag-ilis kini sa iyang sinena.

“Sigi Bert, adto na ko. Salamat ha?” ni Liza pa nga wala makapugong ug mikusnit pa gayud sa aping ni Berting. Dihang nakatalikod na si Liza, nakapanglingo-lingo si Berting nga naghuna-huna sa hitabo.

Pagka-ugma, gikakita ni Berting si Tiago didto sa tindahan sa Insik dapit sa eskena. “Kumusta bay? Naka-score ka gabii uban ni Liza?” gikomedyahan ni Berting si Tiago, apan gisukod niya kini kun tinuod ba nga nakatulog kini’s kahubog.

“Pwerteng tuloga nako bay Bert uy... buntag na ko nga nakamata,” matud ni Tiago nga nagpanglingo-lingo sa iyang ulo. Nalantawan ni Berting nga nagpaingon sa ilang nahimutangan si Liza nga nagsul-ob lang og short pants nga pinakigol. - Sumpayan