Ara: Wa na lang unta gipabasa

Nigawas ang balita nga nagpasayluay na ang magsoong Ara Mina ug Cristine Reyes. Sa pinakaawahing pagpangayo og pasaylo sa mas batan-ong sexy star, na-feel na sa iyang ate ang iyang sincerity maong gipasaylo na siya. Gi-drop na ni Ara ang mga kasong iyang gi-file kontra sa iyang manghod. Well and good kay sisters man sila.

Pero, sa pikas bahin, looking back, mas maayo pa kung wa gitug-an ug gipabasa ni Ara sa publiko ang mga text messages nga gipadala ni Cristine niya. Daghan og gi-reveal ang manghod nga sobra ka-damaging sa pagka-taw ni Ara. Tinood o dili, dili kalikayan nga magduda ang nakabasa.

At least si Cristine, matawag lang nga sipat ug pwede pang makarason nga immature pa lang samtang si Ara ang mas naapektuhan.