Hubad sa damgo

Hello, nakabasa ko sa imong talagsaong talento sa paghubad og mga damgo! Gusto ko magpatabang nimo pagsulbad sa kahulogan sa akong mga damgo. Hinaut imo kong tabangan! Kini mao ang akong mga damgo:

1st. Nagdamgo ko sige nga ning-balik ko og eskwela ug ako kunoy nag-una sa klase.

2nd: Nagdamgo ko og mga dautang linalang sa akong pagkatulog pero kung makasangpit ko sa ngalan sa Ginoo, makamata man ko.

3rd: Nagdamgo pud ko sige og mga bitin o halas.

Mao ni ang sigeg balik-balik sa akong mga damgo. Daghang salamat. —Mec

Hello Mec,

Ang una mong damgo nga nag eskwela ka ug ikaw ang nag una sa klase, nagpasabot nga naa kay bag-ong mahibaw-an o' bag-ong madawat nga balita. Apan wa kay gibuhat nga tubag sa bag-o mong nahibaw-an kay ingon man ka nga mag sige og balik balik.

Example lang ha, nakahibaw ka nga naay lain imong kapikas sa kinabuhi o' imong uyab o' nag binuang ba ron, apan kay dili man ka motuo, maong wa pud kay gibuhat para masanta o' mahunong na ang iyang pagbinuang.... ug maong mag balik balik pa na imong damgo!

2nd dream: Mao ni ang nagpasidaan nimo nga kung unsa man gani imong agian nga mga pagsuway, ang imo ra gyung pagsangpit sa Ginoo ang makapahupay sa imong kasingkasing ug wa nay lain. Hugti pa imong mga ampo ug pun-i pa imong pagtuo sa Ginoo aron dili ka mabug-atan sa mga pagsuway.

3rd dream: Basta bitin na gani ang magpakita sa damgo, naa gyu’y gusto kaayo makakita nimong magkalisod ug sakit sa ilang buot na mag inuasa.

God bless,

Mae  “Tata”  Abad

* * *

Hello Prof,

Mubo ra ni akong damgo pero ipahubad gihapon ni nako. Nagtan- aw daw ko ako friend nga nag-ilis sa metal portion sa iya umbrella pero ang atop or upper portion sa karaan niya nga umbrella. Paghuman daw niya ug ilis, nindot daw kaau ang umbrella, dark yellow ang color unya iya daw gipayong2 atubangan namo nga nagtan-aw. Unya ako daw gikuha pud unya ako gi-try og payong payong. Unsa pasabot ani Prof? Thanks!  — MJ

Mj,

Duha ni kabuok meaning ang imong damgo.

1st: Naay tawo nga gihimo kang Inspiration. Siguro nakakita sa imong pamilya nga maayo kaayong pagkada, unya gisunod niya ang imong style maong natarong pud ang kahimtang sa iyang pamilya.

2nd: Ikaw pud, naa pud kay nakita sa imong palibot nga maayo pud. Pareha anang ingon ka nga nagplano mo nga makabalay mo, naa pud kay nakita or nadungog or na inspired pud ka nga magplano pud nga magbalay. Pero example lang na ang about sa balay ha.... naa pay laing mga situation... basta ang thought, mosuway pud ka nga mabag-o ang dagan sa kinabuhi sa imong pamilya.

Maayo na lang kay way uwan or taligsik sa dihang try nimo ang payong!

Kung gipayungan pa ka atong tawo sa imong damgo, pasabot unta nga naay motabang sa imong plano karon.... ok? 

—Mae  “Tata”  Abad

 Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana lang ni Tata pinaagi sa: [email protected].